काठमाडौं : प्रधानमन्त्री पुष्पकमल दाहाल प्रचण्डले मन्त्रिपरिषदको बैठक बोलाएका छन्। बैठक बिहान १० बजे सिंहदरबारमा बस्ने प्रधानमन्त्रीको स...
काठमाडौँः रुपन्देहीमा भएको पाँचजनाको हत्या आरोपितलाई कारवाही गर्न सत्तारुढ नेपाल कम्युनिष्ट पार्टी नेकपाका सांसद छविलाल विश्वकर्माले माग गरेका छन्।
मंगलबार प्रतिनिधि सभाको बैठकमा बोल्दै विभत्स उक्त सामूहिक हत्याकाण्डको छानविन गर्नका लागि गृहमन्त्री रामबहादुर थापा बादललाई ध्यानाकर्षण गरेका हुन्।
‘५ जनाको हत्या भएको घटनालाई गृहमन्त्रीको ध्यान तत्काल जान आवश्यक हुन्छ,’ उनले भने, ‘घटना सेलाइसकेपछि नभएर अहिल्यै गृहमन्त्रीले त्यहाँ छानविन गरेर सत्य तथ्य बाहिर ल्याउनुपर्छ।’
रुपन्देहीको तिलोत्तमा नगरपालिका-१० स्थित मैनैयाएको एक कृषि फार्ममा गएराति पाँचजनाको हत्या भएको थियो। ज्यान गुमाउनेमा रूपन्देही मुगृया बालापुरका ४० वर्षीय माधव मुसहर, उनकी ३७ वर्षीया श्रीमती जानकी मुसहर, ठेगाना नखुलेका १४ वर्षीय पोखराज मुसहर, रूपन्देही तिलोत्तमा १० का १६ वर्षीय करण चौधरी र १५ वर्षीय आशिष चौधरी रहेका छन्।
घटनामा संलग्न रहेको भन्दै प्रहरीले एकजनालाई पक्राउ गरेको छ। पक्राउ परेका ती युवकले फोरुवाले हानेर ज्यान लिएको स्वीकारेका छन्।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।