काठमाडौँ : राष्ट्रिय राजनीतिमा भीम रावल एउटा चिरपरिचित नाम हो। राष्ट्रिय हित प्रतिकूलका मुद्दामा खरो रुपमा उत्रिने छवि बनाएका उनी...
काठमाडौं : नेपाली कांग्रेसकी नेतृ एवं सुरक्षित मातृत्व सञ्जालकी केन्द्रीय अध्यक्ष डा. आरजु राणा देउवाले डडेल्धुरा जिल्लाका सात वटै स्थानीय तहलाई अत्यावश्यक स्वास्थ्य सामग्री सहयोग गरेकी छन्। मंगलबार डडेल्धुराका सबै स्थानीय निकाय, सुरक्षाकर्मीका साथै स्वास्थ्य कार्यालय डडेल्धुरालाई स्वास्थ्य सामग्री हस्तान्तरण गरेकी हुन्।
पूर्व सांसद राणाले सातवटै पालिकाका १२ वटा बर्थिङ्ग सेन्टर, दुईवटा सुरक्षा निकाय र स्वास्थ्य कार्यालय डडेल्धुरालाई स्वास्थ्य सामग्री सहयोग गरेको रुडुक डढेल्धुराकी कार्यकारी निर्देशक सरस्वती खड्काले जानकारी दिइन्।
उनका अनुसार बर्थिङ्ग सेन्टरलाई २४ वटा पीपीई सेट, ६० लिटर सेनिटाइजर, थरमल गन १२ थान, पञ्जा २४ प्याकेट, मास्क तीन हजार पिस, गमबुट २४ जोडी, एन ९५ मास्क ४८ पिस, साबुन २४० थान, स्यानिटरी प्याड ११५२ पिस र औषधि सिटामोल मेट्रो ४८०० थान वितरण गरिएको हो।
त्यस्तै पूर्व सांसद राणाले सुरक्षा निकायलाई पीपीई सेट ४, सेनिटाइजर ५ लिटर, थरमल गन २ थान, पञ्जा २ प्याकेट, गमबुट ४ जोडी, एन ९५ मास्क ८ पिस, साबुन ४० थान, औषधि सिटामोल ८०० थान र स्यानिटरी प्याड ९६ थान उपलब्ध गराएकी छन्।
स्वास्थ्य कार्यालय डडेल्धुरालाई पीपीई १६ सेट, सेनिटाइजर २०लिटर, थरमल गन २, पञ्जा १० प्याकेट, पेपर मास्क २ प्याकेट,, गमबुट ४ जोडी, एन ९५ मास्क १०० पिस, साबुन १४० थान, स्यानीटरी प्याड १९२ थान र औषधि सिटामोल ८०० थान हस्तान्तरण गरिएको कार्यकारी निर्देशक रुडुक खड्काले जानकारी दिइन्। कोरोना संक्रमणपछि डडेल्धुरामा दोस्रो पटक उनले अत्यावश्यक स्वास्थ्य सामग्री सहयोग गरेकी हुन्।
कांग्रेस नेतृ राणाले चाँडै सुदूरपश्चिम प्रदेशका सात वटै पहाडी जिल्लाका ५३ वटा स्वास्थ्य संस्थालाई अत्यावश्यक स्वास्थ्य सामग्री उपलब्ध गराउने बताइन्। डडेल्धुरा कांग्रेस सभपाति शेरबहादुर देउवाको गृहजिल्ला पनि हो।
सभापति देउवाले केही दिन अघि मात्र १४० क्वीन्टल चामलसहित खाद्यान्न राहत स्वरुप पठाएका थिए। देउवाले डडेल्धुराका प्रत्येक स्थानीय तहलाई २० क्विन्टल चामल, दुई सय केजी दाल, पाँच पेटी तेल, २८ केजी नुनका साथै चिनी, चियापत्ति, चनालगायतका खाद्यान्न पठाएका थिए।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।