काठमाडौं : राष्ट्रिय स्वतन्त्र पार्टीका केन्द्रीय सदस्य गणेश कार्कीले सहकारीसम्बन्धी छानबिन गर्न समिति बनाउनु पर्ने बताएका छन्। आज बिहान फ...
नयाँ सरकार निर्माण बारे छलफलमा जुट्दै प्रचण्ड–देउवा
असार ३०, २०७३
काठमाडाैँ : बुधबार व्यवस्थापिका संसद् सचिवालयमा अविश्वासको प्रस्ताव दर्ता गरेसँगै नेकपा माओवादी केन्द्रका अध्यक्ष पुष्पकमल दाहाल 'प्रचण्ड' र नेपाली कांग्रेसका सभापति शेरबहादुर देउवा नयाँ सरकार निर्माणको छलफलमा जुटेका छन्।
अविश्वासको प्रस्ताव दर्ता गरेलगत्तै बुधबार दिउँसो संघीय गठबन्धनको बैठकमा पुगेर समर्थन मागेका प्रचण्ड–देउवा बिहीबार पुन: छलफलमा जुट्ने भएका हुन्। स्रोतका अनुसार प्रचण्ड–देउवाले मधेसी मोर्चासहित सरकारमा सहभागी अन्य साना दलसँग परामर्श गर्ने छन्।
अविश्वसको प्रस्ताव परिपक्व हुन एक साता लाग्ने भएपछि प्रचण्ड–देउवाले त्यसअघि अन्य राजनैतिक दलसँग समर्थनका लागि आग्रह गर्नुका साथै सत्ता समीकरणको विषयमा छलफल गर्ने बताइएको छ। प्रचण्ड र देउवा सचिवालयले भने हालसम्म राजनैतिक भेटघाटको कुनै कार्यक्रम तय भइनसकेको बताएको छ।
‘अध्यक्ष ज्यू नयाँ सरकार गठनको छलफलमा जुट्ने कार्यक्रम बनिसकेको छैन, केहीबेरमा कार्यक्रम बनाई सबैसँग आवश्यक परामर्श र छलफलका लागि जुट्ने योजना छ।’, प्रचण्ड सचिवालयका जोखबहादुर महराले भने ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।