काठमाडौं : पश्चिमी र स्थानीय वायुको आंशिक प्रभावका कारण सुदूरपश्चिम प्रदेश लगायत देशका पहाडी भूभागमा अहिले आंशिक बदली छ। बाँकी भूभाग...
तुलसीपुरको जंगलमा तस्करले लुकाइराखेका २७ गाईगोरुको उद्धार
पुस ९, २०७७
दाङ : तुलसीपुरको वन क्षेत्रमा तस्करहरुले जम्मा गरी राखेका २७ वटा गाईगोरुलाई उद्धार गरिएको छ।
तुलसीपुर उपमहानगरपालिका ८ को मयालु सामुदायिक वनमा बाँधी राखेको अवस्थामा ती गाईगोरु फेला परेको वडाध्यक्ष वेदबहादुर केसीले जानकारी दिए। ‘जंगलभित्र बाँधिएको अवस्थामा थिए, घाँस, दानापानी केही पनि दिइएको थिएन,’ उनले भने,‘ स्थानीयले बाँधिएको अवस्था फेला पारेपछि हामीलाई जानकारी गराएका थिए। लगतै हामी त्यहाँ पुगेका थियौँ। एउटा मोटरसाइकलमा ५ जना मानिस चढी भागे।’
फेला परेका २७ वटा गाईगोरुलाई बिहीबार नै तुलसी बहुउदेश्यीय गौशाला गोलौरामा हस्तान्तरण गरिएको समेत वडाध्यक्ष केसीले उनले बताए। यसअघि पनि पश्चिम दाङमा गोरु तस्करी भइरहेको जानकारी पाएलगतै ४ वटै नाकामा निगरानी बढाई नेपाल तरुण दलले दर्जन बढी गाई गोरुलाई उद्धार गरेको थियो।
केही समयदेखि दाङ र देउखुरी उपत्यकामा गाईगोरु तस्करीका घटना बढदै गएका छन्। स्थानीय प्रशासनले भने तस्करीमाथि निगरानी बढाइरहेको दाबी गर्दै आएको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।