काठमाडौँ : रुपन्देही जिल्लाको रोहिणी गाउँपालिका–१ स्थित हुलाकी सडकखण्ड अन्तर्गत बाइपास इलाकाबाट प्रहरीले २७२ किलो ३३ ग्राम गाँजसहित एक...
सशस्त्र प्रहरीद्वारा डेडलाख बढीको अवैध बिँडी बरामद
पुस ११, २०७७
बैतडी : बैतडीमा सशस्त्र प्रहरीले १ लाख ६५ हजार बराबरको अवैध १० पेटी बिँडी बरामद गरेको छ। सीमावर्ती भारतीय बजारबाट अवैध रुपमा भित्र्याएको बिँडी शनिबार बिहान पौने २ बजेतिर सशस्त्र प्रहरीको गस्ती टोलीले दशरथचन्द नगरपालिका ६ गाँजरीबाट बरामद गरेको हो। रातको समयमा अवैध रुपमा बिँडी ल्याउँदै गरेका मानिसहरु भने सशस्त्रको टोली देख्नेबित्तिकै बिँडी छोडेर भागेको बताइएको छ।
सीमा नाका बन्द हुँदा महाकाली नदीमा ट्युबमार्फत भारतबाट बिँडी ल्याएको हुनसक्ने सशस्त्र प्रहरी बल नेपाल नम्बर ५१ गुल्म हेडक्वाटर बैतडीका सशस्त्र प्रहरी निरीक्षक हर्कबहादुर साउँदले जानकारी दिए। बरामद गरिएको बिँडी महाकाली भन्सार कार्यालय झुलाघाट बुझाइएको छ।
सशस्त्र प्रहरीले चालु आर्थिक वर्षको अहिलेसम्म ३ लाख बढीको अवैध सामग्री बरामद गरेर भन्सार कार्यालयमा बुझाइसकेको छ। सीमा क्षेत्रमा हुने अवैध कारोबार रोकथामका लागि सशस्त्र प्रहरीले नियमित रूपमा गस्ती गरिरहेको रहेको सशस्त्र प्रहरी निरीक्षक साउँदले जानकारी दिए। सशस्त्र प्रहरीले सीमा क्षेत्रमा हुने विभिन्न आपराधिक गतिविधि रोक्नका लागि बिओपीमार्फत पनि गस्ती गरिरहेको हो।
जिल्लाका तीन ठाउँमा बिओपीमार्फत सशस्त्र प्रहरीले सेवा दिईरहेको सशस्त्र प्रहरी निरीक्षक साउदले जानकारी दिए। बैतडीको झुलाघाट, पञ्चेश्वर र शिवनाथ गाउँपालिकाको कुस्मौद घाटमा सशस्त्र प्रहरीको बिओपी रहेको छ। बिओपीमार्फत सीमा क्षेत्रमा नियमित गस्ती भइरहेको पनि जनाइएको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।