काठमाडौं : मलेसियामा दुई सैनिक हेलिकप्टर एक आपसमा ठोक्किँदा १० जनाको मृत्यु भएको छ। ९०औं सैनिक दिवस मनाउन अभ्यासरत द...
साउदीकी अधिकारकर्मी लुजाइन अल हाथलुललाई ६ वर्ष जेल
पुस १४, २०७७
काठमाडौं : साउदी अरबकी चर्चित महिला अधिकारवादी कार्यकर्ता लुजाइन अल हाथलुललाई अदालतले झण्डै ६ वर्षको जेल सजाय सुनाएको छ।
अपराधसम्बन्धी अदालतले लुजाइनलाई ५ वर्ष ८ महिनाको जेल सजाय सुनाएको हो। अधिकारवादी महिला लुजाइनलाई रिहा गर्न निरन्तर परिरहेको अन्तर्राष्ट्रिय दबाबका बाबजुद यस्तो फैसला आएको त्यहाँका स्थानीय सञ्चारमाध्यमहरुलाई उद्धृत गर्दै अलजजिराले जनाएको छ।
अदालतले लुजाइनलाई परिवर्तनका लागि आन्दोलन गरेको, विदेशी एजेण्डा बोकेको तथा इन्टरनेटको गलत प्रयोग गरेको जस्ता विषयमा दोषी ठहर गरेको छ । अदालतको फैसलापछि संयुक्त राष्ट्र संघको मानव अधिकार परिषद्ले गहिरो चिन्ता प्रकट गरेको छ।
परिषद्ले लुजाईनलाई यसअघि साढे दुई वर्षदेखि नजरबन्दमा राखिनु नै गलत भएको भन्दै थप सजाय तोकिएको प्रति चिन्ता व्यक्त गरेको हो। साढे दुई वर्षअघि एक दर्जन बढी महिला अधिकारकर्मीहरुसहित पक्राउ परेकी लुजाइनको रिहाईका लागि अन्तर्राष्ट्रिय अधिकारवादी संघ संस्थाहरुले साउदी अरबलाई दबाब दिँदै आएका थिए।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।