अर्थ

विदेशबाट आउँदा काँचो सुन प्रतिबन्ध
SHARES

साउन १, २०७३

    काठमाडौं: सरकारले विदेशमा रोजगारीमा गएका वा काम विशेषले गएका नेपालीले भन्सार तिरेर वा नतिरी ल्याउन पाउने वस्तुका लागि शनिबारदेखि नयाँ व्यवस्था गरेको छ। 

    विदेशबाट आउँदा काँचो सुनचाँदी ल्याउन शनिबारदेखि पूर्ण रूपमा प्रतिबन्ध लगाईएको छ। ५० ग्रामसम्मका सुनका गहना, पाँचसय ग्रामसम्म चाँदीका गहना र १ लाख रुपैंया मूल्यसम्मका जवाहरात जडित गहना भन्सार नतिरी ल्याउन पाईनेछ। 

    सुनको गहना ५० ग्राम भन्दा बढी र चाँदीको गहना ५ सय ग्राम भन्दा बढी विदेश लैजानु परे भन्सार प्रक्रिया पुरा गरी लगत राखेर मात्रै लैजान पाउनेछन्। यस्तै, ५ हजार अमेरिकी डलर वा त्यस बराबरको अन्य विदेशी मुद्रा भन्दा बढी नगद साथमा राखेर नेपाल बाहिर लैजान पाईने छैन। 

    विदेशबाट आउँदा ट्याबलेट, ल्यापटप, कम्प्यूटर, घडी, क्यामरा, भिडियो क्यामरा, मोबाईल र पेनड्राईभ एक/एक थान र एक लिटरसम्मको मदिराको बोतल कर वा शुल्क नबुझाई ल्याउन पाईने भन्सार विभागले जनाएको छ। 

    वैदेशिक रोजगारीमा गई लगातार १ वर्ष काम गरी आउँदा ३२ ईन्चसम्मका टेलिभिजन पनि भन्सार नतिरी ल्याउन पाइने छ भने अरुले प्रति ईन्च महसुल बुझाई ल्याउन पाउनेछन्। फ्रिज, पंखा, रेडियो, लुगाफाटो तथा अरु घरायसी प्रयोगका सामानमा एकमुण्ठ ४० प्रतिशत महसुल बुझाउनुपर्नेछ। 

    शनिबारदेखि परिवर्तित नियम विपरीत ल्याईएका सामान जफत गरिने भएकाले तोकिएको नियम पालना गर्न त्रिभुवन विमानस्थल भन्सार कार्यालयले आग्रह गरेको छ। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]