युक्रेनका राष्ट्रपति भोलोदिमिर जेलेन्स्कीले आफ्नो संघर्षरत सेनालाई सहयोग गर्न हतियार आपूर्तिमा तीव्रता दिन उत्तर एटलान्टिक सन्धि संगठन (नेटो)सँग ...
लण्डनमा भएको हमलामा मृत्यु हुनेको संख्या ५ पुग्यो
Photo : Time.com
चैत १०, २०७३
बेलायतको राजधानी लण्डनमा आतंककारी आक्रमणमा परी मृत्यु हुनेको संख्या ५ पुगेको छ, अन्य ४० जना घाइते भएका छन्। वेष्ट मिनिस्टरमा रहेको संसद भवन नजिक गराइएको आक्रमणमा परी प्रहरी अधिकारीसहित पाँच जना मारिएको बीबीसीले जनाएको छ।
मारिनेमा एक महिलासहित ३ जना सर्वसाधारण र प्रहरीको गोली लागेर एक आक्रमणकारी मारिएका छन्। कारमा आएका आक्रमणकारीले वेष्ट मिनिस्टर पुलमा पैदलयात्रीलाई ठक्कर दिएको र त्यसपछि संसद भवन नजिक गएर त्यहाँ रहेका प्रहरी अधिकारीलाई चक्कूले आक्रमण गरेका थिए।
घाइते हुनेमा ३ जना प्रहरी अधिकारी रहेको र ती मध्ये २ को अवस्था गम्भीर रहेको प्रहरीले जनाएको छ। आक्रमणकारीको परिचय खुलाइएको छैन। प्रधानमन्त्री थेरेसा मेले आक्रमणको निन्दा गर्दै राजधानीको मूख्य भागमा गरिएको आक्रमण बेलायती मान्यतालाई टुक्रयाउने उद्देश्यले भएको र त्यसलाई कहिल्यै सफल हुन नदिने बताएका छन्।
घटनापछि लण्डनसहितका सहरमा सुरक्षा व्यवस्था अत्यन्त कडा पारिएको छ भने आतंककारीविरुद्ध कारबाही अभियान चलिरहेको छ। घटनापछि अमेरिका, अष्ट्रेलिया, फ्रान्सलगायतका मुलुकले यो चुनौतीपूर्ण अवस्थामा बेलायतलाई साथ दिने बताएका छन्।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।