विराटनगर : दुई समूहबीच विवाद भएपछि विराटनगरस्थित तनावग्रस्त क्षेत्रको अवस्था अहिले केही समान्य भएको छ। राम नवमीको अवसरमा एउटा समूह...
काठमाडौं : प्रधानमन्त्री पुष्पकमल दाहाल ‘प्रचण्ड’ र बंगलादेशका सभामुख डा. सिरिन शर्मिन चौधरीबीच शिष्टाचार भेट भएको छ।
प्रधानमन्त्री निवास बालुवाटारमा बिहीबार दिउँसो भएको भेटमा नेपाल र बंगलादेशबीचको सम्बन्धका विषयमा छलफल भएको प्रधानमन्त्री कार्यालयले जनाएको छ।
भेटका अवसरमा प्रधानमन्त्री प्रचण्डले नेपाल र बंगलादेशबीच सन् १९७२ देखि सुमधुर कूटनीतिक सम्बन्ध रहँदै आएको र हालसम्म कुनै समस्या नरहेको बताउँदै बंगलादेशका सभामुखलाई नेपालमा स्वागत गर्न पाउँदा खुसी लागेको बताए।
से अवसरमा बंगलादेशका सभामुखले प्रधानमन्त्री प्रचण्डलाई बंगलादेश भ्रमणको निम्तो पनि दिइन्।
सभामुख शर्मिनले नेपालको संविधान र शान्ति प्रक्रिया विश्वकै नमुना भएको बताउँदै यसबाट संसारले सिक्न सक्ने बताइन्। उनले नेपालको संविधान धेरै प्रगतिशील रहेको र यसले महिलालाई धेरै अधिकारसम्पन्न बनाएको भन्दै यसका लागि प्रधानमन्त्रीलाई बधाई र धन्यवाद पनि दिइन्।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।