कोरोनाबाट थप ५२ जनाको मृत्यु, ८ हजार ८५० संक्रमित थपिए
बैशाख २६, २०७८
काठमाडाैं : पछिल्लो २४ घण्टामा कोरोना संक्रमणका कारण ८८ जनाको निधन भएको छ। ८८ हजार १ सय ६० सक्रिय संक्रमित छन् भने होम आइसोलेसनमा ८१ हजार ४ सय ३० जना रहेका छन्।
आज जम्मा ८ हजार ८ सय ५० जनामा संक्रमण भएको छ। आज जम्मा १८ हजार ७८७ नमुना संकलन गरी परीक्षण गरिएको थियो।
५ सय ६ जनाको एन्टिजेनबाट परीक्षण गरिएको हो। गत २४ घण्टामा ८ हजार ७ सय ७७ जनामा पिसिआर विधिबाट र एन्टिजेन विधिबाट ७३ जनामा कोरोना पुष्टि भएको छ।
आज काठमाडाैं उपत्यकामा भक्तपुरमा ५ सय ७ ललितपुरमा ५ सय ३३ र काठमाडाैंमा ३ हजार १ सय ६१ गरी ४ हजार १ सय ९८ जनामा संक्रमित थपिएका छन्। यद्यपि अघिल्लो तथ्यांक जोड्दा आज ८८ जनाको मृत्यु भएको स्वास्थ्य तथा जनसंख्या मन्त्रालयले जनाएको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।