अर्थ

बाँके र बर्दियामा साउन १५ अघि नै रोपाईं सकिने
SHARES

साउन ४, २०७३

    नेपालगन्ज : अन्नको भण्डार मानिने बाँके र बर्दिया जिल्लामा यसबर्ष छिटै रोपाई सकिने भएको छ। समयमा बर्षा भएका कारण बर्दियाको अधिकांश खेतहरुमा रोपाई सकिएको छ भने बाँकेमा समेत ७६ प्रतिशत रोपाई सकिएको छ। गत बर्ष साउनको पहिलो हप्तासम्म ४० प्रतिशत धान रोपाई भएको थिएन।

    जिल्ला कृषि विकास कार्यालय बर्दियाका प्रमुख परशुराम रावतका अनुसार बर्दियामा ९४ प्रतिशत रोपाई भइसकेको छ। बर्दियाको राजापुर, सूर्यपटुवा, ढोढरी लगायतका क्षेत्रमा रोपाई सकिएको प्रमुख रावतले जानकारी दिए।

    ‘सिचाई सुविधा भएको अधिकांश स्थानमा रोपाई सकिसकेको छ’ प्रमुख रावतले भने। सदरमुकाम गुलरिया आसपासको क्षेत्र, मोहमदपुर लगायत केही क्षेत्रमा मात्रै रोपाई बाँकी रहेको उनले जानकारी दिए। बर्दियामा ५० हेक्टर क्षेत्रफलमा धानखेती हुने गरेको छ।

    यता, बाँकेमा यस बर्ष साउन १५ अघि नै रोपाई सकिने अनुमान जिल्ला कृषि विकास कार्यालयले गरेको छ। कृषि विकास कार्यालय बाँकेका कृषि प्रसार अधिकृत धनबहादुर पुनले साउनको दोस्रो साता अघि नै रोपाई सकिने बताए। उनले भने, ‘साउन १५ अघि नै सकिएला जस्तो छ यो सालको रोपाई।’

    प्रसार अधिकृत पुनले विगतका बर्षमा भदौ १५ सम्म रोपाई हुने गरेको बताए। उनले चिसापानी, नौवस्ता, कुसुम, कचनापुर, महादेवपुरी, सीतापुर, राधापुर बागेश्वरी, बैजापुर, विनौना, फत्तेपुर लगायतका क्षेत्रमा शत प्रतिशत धान रोपाई सकिएको बताए। उदयपुर, मटेहिया, नरैनापुर, कटकुइँया, कालाफाँटा लगायतका क्षेत्रमा भने ५० प्रतिशतको हाराहारीमा मात्रै रोपाई भएको छ। बाँकेमा ३६ हजार ५ सय हेक्टर क्षेत्रमा धानबाली हुने गरेको छ।

    कृषि क्षेत्रका विज्ञहरु यसवर्ष समयमा बर्षा भएकोले उत्पादन बढ्ने अनुमान गरेका छन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]