काठमाडौं : स्वास्थ्य तथा जनसंख्या मन्त्रालयले सरकारी सेवामा कार्यरत चिकित्सक तथा स्वास्थ्यकर्मी एवं कर्मचारीलाई निजी स्वास्थ्य संस्थाहरूमा...
काठमाडौं : सरकारले विभिन्न देशबाट हालसम्म ९ सय ५५ खाली सिलिन्डर ल्याएको छ।
अक्सिजन सिलिन्डर अभाव भएपछि चीन, बहराइनलगायत देशबाट सिलिन्डर ल्याइएको स्वास्थ्य तथा जनसंख्या मन्त्रालयका सहप्रवक्ता डा.समीरकुमार अधिकारीले जानकारी दिए।
उनले भने, ‘यसमा विदेशमा कार्यरत नेपालीले पनि दिएका छन्, हामीले यी सिलिन्डर आवश्यक परेका ठाउँहरुमा बाँडेका छौं।’
उनका अनुसार यी सिलिन्डर प्रदेशअनुसार ७५ देखि दुई सय वटासम्म वितरण गरिएको छ। ‘जहाँ बढी सिलिन्डर आवश्यक छ, ती ठाउँका अस्पतालमा बढी सिलिन्डर दिएका छौं,’अधिकारीले भने।
मन्त्रालयका प्रवक्ता प्राडा जागेश्वर गौतमका अनुसार हाल मन्त्रालयसँग ६० हजार अक्सिजन सिलिन्डर छन्। ती अक्सिजन सिलिन्डर पनि देशभरका आवश्यक परेका अस्पतालमा उपलब्ध गराइएकाे छ।
अहिले भइरहेको अक्सिजन अभावलाई समाधान गर्न सरकारले पहल गरिरहेकाे उनले बताए। उनले अक्सिजन अभावलाई पूर्ति गर्न अझै पनि बाहिरबाट २५ हजार अक्सिजन सिलिन्डर ल्याउने तयारीमा रहेको जानकारी दिए।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।