विराटनगर : सुनसरीको इटहरी उपमहानगरपालिका–४ स्थित मुक्तिघाटमा मलामी आएका व्यक्तिले चिर्पट प्रहार गर्दा मुक्तिघाटका कामदारको मृत्यु भएको ...
खोलाले बगाउँदा बाबुछोराको मृत्यु
साउन ५, २०७३
- भूपाल थापा
कपिलवस्तु : कपिलवस्तुमा खोलाले बगाउँदा बाबुछोराको मृत्यु भएको छ। कपिलवस्तुको भृकुटी नगरपालिका-८ कुमालटोलका ५९ वर्षीय बाबु ताराबहादुर खड्का र २९ वर्षीय छोरा दुधमान खड्कालाई स्थानीय गुडुरुवा खोलाले बगाउँदा मृत्यु भएको हो।
मानसिक सन्तुलन गुमेका छोरा दुधमानले बाबुसँग झगडा गरेपछि खोलामा हामफालेको प्रत्यक्षदर्शीले बताएका छन्। छोरालाई बचाउन बाबु ताराबहादुर पनि खोलामा हामफालेका थिए।
तर, खोलाको भेलले दुवै बाबुछोरालाई बगाउँदा उनीहरुको मृत्यु भएको इलाका प्रहरी कार्यालय गोरुसिंगेका असई निर्मल बुढाथोकीले जानकारी दिए। बेपत्ता बाबु र छोराको शव फेला परेको जनाइएको छ।
मृतक बाबुछोराको शवलाई पोष्टमार्टमका लागी जिल्ला अस्पताल तौलिहवा लैजाने तयारी गरिएको प्रहरीको भनाई छ।
बेपत्ता बाबुछोराको खोजीका लागि कालिजंग गणका नेपाली सेना र इप्रका गोरुसिंगेका प्रहरी परिचालन गरिएको थियो।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।