समाज

गोविन्द केसीले फेरि अनसन बस्नपर्दैन : गगन थापा
SHARES

साउन १०, २०७३

    काठमाडौं : नेपाली कांग्रेसका नेता गगन थापाले त्रिवि शिक्षण अस्पतालका चिकित्सक  डा. गोविन्द केसीले अब अहिलेको जस्तै माग राखेर फेरि अनसन बस्न नपर्ने बताएका छन्।

    केसीले १६ दिनदेखिको अनसन तोड्ने दिन सोमबार शिक्षण अस्पताल पुगेका थापाले पत्रकारसँगको कुराकानीमा सरकारसँग भएका सहमति कार्यान्वयन हुने विश्वास दिलाउँदै दोहोर्‍याएर यी मागहरु राख्नु नपर्ने बताएका हुन्।

    'उहाँले उठाउनुभएको गुणस्तरीय चिकित्सा शिक्षासम्बन्धी मागबारे सरकारसँग सहमति भइसकेको छ' उनले भने 'अख्तियार प्रमुखलाई महाअभियोग लगाउनुपर्ने मागले संसदमा प्रवेश पाइसकेको हुनाले अब फेरि यही विषयमा अनसन बस्नुपर्दैन।'

    चिकित्सा शिक्षा सुधारसँग सम्बन्धित बिभिन्न ४ सूत्रीय माग राखेर त्रिवि शिक्षण अस्पतालका चिकित्सक डा. गोविन्द केसी १६ दिन आमरण अनसनमा बसेका थिए।  उनले सरकारसँग ४ बुँदे सहमति भएपछि सोमबार अनसन तोडेका छन्।

    उनले अख्तियार दुरुपयोग अनुसन्धान आयोगका प्रमुख आयुक्त लोकमानसिंह कार्कीले मेडिकल शिक्षामा हस्तक्षेप गरेको भन्दै महाअभियोग माग गरेका थिए। सांसद थापाले अख्तियार प्रमुखमाथि लागेका आरोपको विषयमा छलफल गर्न संसदमा जरुरी सार्वजनिक महत्वको प्रस्ताव दर्ता गराएका छन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]