समाज

डढेलोबाट सात करोडको क्षति
SHARES

जेठ १८, २०७३

    अर्घाखाँची- सुक्खा याममा फैलिएको डढेलाले सयौँ घरसहित अर्घाखाँचीमा मात्रै करोडौँको धनमाल नष्ट गरेको छ । 
    सुख्खा याममा फैलिएको डढेलाले सन्धिखर्क नगरपालिकासहित २४ गाविसका बासिन्दा प्रत्यक्ष प्रभावित भएका छन् । जिल्लाभर एक सय ७४ घर र ९० गोठ आगाले जलेर पूर्ण रुपमा नष्ट भएको सहायक प्रजिअ चिरञ्जीवी घिमिरेले बताउनुभयो । घरमा रहेका अन्नपात, लुगाफाटा सबै जलेका छन् ।

    घर र गोठ र त्यसमा रहेका नगद तथा जिन्सी समेत जलेर नष्ट हुँदा करिब रु सात करोड बराबरको क्षति भएको र घर जलेका परिवारलाई राहत वितरणको काम पनि भइरहेको सप्रजिअ घिमिरेको भनाइ छ । 
    सामुदायिक तथा राष्ट्रिय गरी १२ हजार आठ सय ३१ हेक्टर वन क्षेत्रमा डढेलो लागेको छ । जिल्लाका एक सय ४४ सामुदायिक वनमा डढेलो लागेको छ । सात हजार दुई सय ११ हेक्टर सामुदायिक वन र पाँच हजार ६२० हेक्टर वन क्षेत्रमा डढेलो लागेको जिल्ला वन कार्यालयका सहायक जिल्ला वन अधिकृत मदन प्रसाद ढुङ्गानाले बताउनुभयो । 
    डढेलाले जिल्लाका धातिवाङ, सिद्धारा, सिमलपानी, जलुके, अडगुरी, पाली र ठाडा गाविसमा बढी क्षति पुगेको छ । आगलागीले वन्यजन्तु र चराचुरुङ्गी कति डढे भन्ने तथ्याङ्क कसैसँग छैन । धातिवाङ गाविस वडा नं ९ दहमा घर नजिकै लागेको आगो निभाउने क्रममा चिप्लिएर स्थानीयवासी ३२ वर्षीया मखमली विकको मृत्यु समेत भएको थियो ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]