काठमाडौं : पश्चिमी र स्थानीय वायुको आंशिक प्रभावका कारण सुदूरपश्चिम प्रदेश लगायत देशका पहाडी भूभागमा अहिले आंशिक बदली छ। बाँकी भूभाग...
बस र ट्रक ठोकिँदा बस चालकको मृत्यु, १४ घाइते ४ को अवस्था गम्भीर
असार ६, २०७४
कपिलवस्तु : कपिलवस्तुको बाणगंगा नगरपालिका ८, चप्परगाउँमा मंगलबार बिहान बस र ट्रक एकापसमा ठोकिँदा बस चालकको घटनास्थलमै मृत्यु भएको छ। अरु १४ जना घाइते भएका छन्। काठमाडौंबाट नेपालगन्ज जाँदै गरेको ना ५ ख ७४९० नम्बरको बस र विपरीत दिशाबाट आएको लु १ ख ७६६९ नम्बरको ट्रक आपसमा ठोकिएका थिए।
मृत्यु हुनेमा बाँके जिल्ला पटनापुर २ का बर्ष २६ का धनबहादुर पाण्डे रहेका छन्। घाइते भएकामध्ये ४ जनाको अवस्था गम्भीर रहेकोले र उनीहरुको अहिले बुटवलस्थित मर्सिसिटी हस्पिटलमा उपचार भइरहेको प्रहरीले बताएको छ।
दुर्घटनामा बर्दियाका ४० वर्षीय सन्तोष शर्मा, बांके नेपालगंज उपमहानगरपालिका ८ बस्ने २८ वर्षीय नितु थापा क्षेत्री, धादिङ जिल्ला धादिङ नगरपालिका ८ बस्ने २८ वर्षीय प्रेम बहादुर गुरुङ, सोही ठाउँका ३४ वर्षीय पूर्ण बहादुर गुरुङ, प्युठान जिल्ला प्युठान नगरपालिका ४ घर भइ अंचल प्रहरी कार्यालय जुम्लामा कार्यरत ३८ वर्षीय प्रहरी हवल्दार दिनेश शाह र जुम्ला जिल्ला चन्दननाथ नगरपालिका ६ बस्ने ३५ वर्षीय नरेन्द्रनाथ योगी रहेका छन्।
दुर्घटनामा ट्रक चालक बाँके जिल्ला राजापुर नगरपालिका ८ बस्ने श्याम चौधरी रहेको प्रहरीले जनाएको छ। घाइते अन्यलाई बुटवलस्थित लुम्बिनी अंचल अस्पतालमा उपचारपछि घर फर्काइएको इलाका प्रहरी कार्यालय पिपराले जनाएको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।