नागपञ्चमीका अवसरमा घर-घरमा पूजाआजा गर्नुका साथै विभिन्न नाग मन्दिहरुमा नागको पुजा गर्नेहरूको भीड नै लागेको छ। सदाझै यस वर्षपनि काठमाडौँको नागपोखरी, भक्तपुरको चाँगुनारायण, ललितपुर धापाखेलको नागदह, काठमाडौंको टौदहमा नागको पूजा गर्नेहरूको भीड नै लागेको छ। यी स्थानहरूमा नागपञ्चमीका दिन विशेष मेला लाग्ने गर्छ।

निकै लामो समयदेखि चलिआएको नागपञ्चमीमा काठमाडौँको नागपोखरीमा रहेको नागको मुर्तिलाई दूध चढाउने परम्परा अनुरुप योवर्ष पनि नागपोखरीमा रहेको नागको मुर्तिलाई दूध चढाइएको छ।

नागको मुर्ति रहेको नागपोखरीमा भक्तजनहरूले डुङ्गाको सहायताले नागको मुर्तिसम्म पुगेर दूध चढाएका छन्। पूजाका लागि नागपोखरी पुगेका भक्तजनहरूले पोहोर-परार जसरी नागको पूजा नगरिएको गुनासो समेत गरे। उनीहरूले अघिल्ला वर्षहरूमा नागको जुन भव्यताका साथ पूजा हुने गर्थ्यो त्यो अहिलेको वर्ष नदेखिएको बताए।

नागपोखरीभित्र प्रवेश नगरी पोखरीको किनारबाटै पूजा गरेर फर्कनेको संख्या उल्लेख्य रहेको थियो। पोखरी किनारबाट नागलाई दूध चढाएर, धूप-बत्ती गरेर भक्तजनहरू फर्केका थिए। भक्तजनहरूमध्ये केहीले मात्र डुङ्गामा चढेर नागपोखरीको बीचमा रहेको नागको मुर्तिमा पुगेर पूजाआजा गरेका थिए।

फोटोमा हेर्नुस् नागपोखरीमा यसरी गरियो नागको पूजा