विश्व

गाउँले र प्रहरीबीच झडपमा दुई प्रहरी सहित २४ जनाको मृत्यु
SHARES

फोटोः hindustantimes.com
जेठ २२, २०७३

    नयाँ दिल्ली : उत्तरी भारतको मथुराक्षेत्रमा बिहीबार साँझदेखि शुक्रबार बिहानसम्म गैरकानुनीरुपमा सरकारी जग्गा नियन्त्रण गरी बसेका स्थानीय केही गाउँले र प्रहरीबीच झडप हुँदा मृत्यु हुनेको संख्या शुक्रबार अपरान्हसम्म २४ पुगेको छ। 

    घटनामा एक प्रहरी उपरिक्षक र अन्य एक प्रहरी अधिकृतको पनि ज्यान गएको छ। प्रहरीले घटनास्थलबाट ठूलो संख्यामा हतियार बरामद गर्नुका साथै करीब ३२० जनालाई पक्राउ गरेको जनाएको छ। 

    शक्तिशाली हातहतिहार सहित रहेका स्थानीयको एक समूहले गस्तीमा खटिएको प्रहरी टोलीमाथि लाठीर ढुङ्गामुढा गर्दै आक्रमण गरेपछि झडप सुरु भएको प्रहरीले बताएको छ। 

    घटनामा झडपमा सम्लग्न केही व्यक्ति घाइते भएका र घाइतेलाई स्थानीयले नै भगाएर लगेका प्रहरीको दावी छ। घटनाले उक्त क्षेत्रमा उग्र रुप लिएपछि भएको झडपमा भएको मानवीय एवम् अन्य क्षतिबारे निष्पक्ष छानविन र अनुसन्धानका लागी उत्तर प्रदेशका मुख्यमन्त्री अखिलेश यादवले निर्देशन दिएका छन्। 

    भारतीय गृहमन्त्री राजनाथ सिंहले घटनाप्रति दुःख व्यक्त गरेका छन्। उनले तनाव नियन्त्रण र दोषीउपर कानुनी कारबाहीका लागि राज्य सरकारलाई आवश्यक पर्ने सहयोग केन्द्र सरकारले उपलब्ध गराउने बताएका छन्। 
    उत्तर प्रदेशको जवाहर बाघ क्षेत्रमा अस्थायी बासस्थान निर्माण गरी बसेका करीब तीन हजार गाँउलेलाई त्यहाँबाट हटाउन बल प्रयोग गरेपछि सो भिडन्त भएको स्थानीयको दाबी छ। 

    उक्त क्षेत्रमा जग्गा अभिग्रहण गरी बसेका गाँउलेले जङ्गली जनावर तथा अरु स्थानीय स्रोतका दोहन गरी अनधिकृत रुपमा प्राकृतिक साधनको तस्करी भइरहेको बताउँदै अदालतमा परेको मुद्दामा सुनुवाई गर्दै उनीहरूलाई हटाउने आदेशअनुसार प्रहरी त्यहाँ पुग्दो भिडन्त भएको प्रहरीले जनाएको छ। 

    उक्त क्षेत्रमा यसअघि पनि गैरकानुनी तरिकाले जमिन ओगटी बस्दै आएका स्थानीय र प्रहरीबीच पटक पटक भिडन्त हुने गरेको थियो । स्थानीय नागरिकले पनि त्यहाँबाट तस्करलाई हटाइदिन पहिले पनि माग गरी आएका थिए।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]