काठमाडौँ : नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले चलचित्र ‘नमेटिने घाउ’मा अभिनय गरेका छन्। मं...
काठमाडौं : कत्तिक २४ गतेदेखि प्रदर्शन आउन लागेको चलचित्र 'तान्द्रो'को प्रिमियर सो बुधबार राजधानीको बिग मुभिजमा गरियो। प्रिमियर सो हेर्न आएका धेरै कलाकर्मी, पत्रकार तथा राजनीतिक व्यक्तिहरुले फिल्म उत्कृष्ट भएको प्रतिक्रिया दिए।
प्रिमियर सोमा नेकपा क्रान्तिकारी माओवादीका अध्यक्ष मोहन वैद्य (किरण), विवेकशील साझा पार्टीकी केन्द्रीय सदस्य रञ्जु दर्शना पनि सहभागी थिए। माओवादी जनयुद्धमा भएको घटनामा आधारित रहेर निर्माण भएको फिल्म ‘तान्द्रो’लाई सम्तेन भुटियाले निर्देशन गरेका छन्।
माओवादी युद्धकालमा लमजुङको छैलुङ गाउँमा गंगाबहादुर लामा (कोशिस)लाई सुरक्षा फौजले घुँडामा गोली हानेपछि उनले पाँच दिनसम्म पाएको पीडालाई ‘तान्द्रो’मा उतारिएको छ। फिल्ममा कोशिसको भूमिकामा दयाहाङ राई प्रस्तुत भएका छन्।
'ब्ल्याक हर्स पिक्चर्स' र 'सिनेमा आर्ट'को संयुक्त ब्यानरमा निर्माण भएको फिल्ममा दायाहाङसंगै रामबाबु गुरुङ, कमलमणी नेपाल, अरुणा कार्की, सरस्वती चौधरी, मणीराम पोखरेल लगायतको अभिनय रहेको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।