काठमाडौं : देशका केही भागमा मंगलबार पनि मेघगर्जन र चट्याङसहित हल्का वर्षाको सम्भावना छ। मौसम पूर्वानुमान महाशाखाका अनुसार बि...
हुस्सुसँगै तराईमा चिसो बढेपछि जनजीवन प्रभावित
पुस २, २०७४
लहान : सिरहा सप्तरी लगायतका जिल्लामा पछिल्लो दुई दिनदेखि बाक्लो हुस्सु लाग्नुका साथै चिसो बढेको छ। चिसोले स्थानीय हाट बजारमा सर्वसाधारणको चहलपहल घटेको छ। हुस्सु लागेकाले सडकमा सवारी साधनहरु बत्ती बालेर गुडाइएका छन्।
चिसोले सिरहाको लहान, धनगढी, गोलबजार, चोहर्वा, मिर्चैया, सिरहा सदरमुकम लगायतका व्यापारिक ठाउँहरुमा चहलपहल कम भएको लहान उद्योग वाणिज्य संघका अध्यक्ष सुनिलकुमार महतोले जानकारी दिए।
अध्यक्ष महतोका अनुसार चिसोका कारणले स्थानीय हाट बजारमा मानिसहरुको चलपहल कम हुँदा अन्य सामानको व्यापार घटे पनि जाडोको लुगाको व्यापार बढेको व्यापारीहरु बताउँछन्।
चिसोका कारणले मानिसहरु अति जरुरी कामबाहेक बाहिर निस्किन सकिरहेका छैनन्। शनिबार बिहानदेखि नै राम्ररी घाम नलाग्दा चिसो बढेको छ। शनिबारदेखि सिरहाको तापक्रम १० डिग्री सेल्सियसभन्दा ओरालो लागेको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।