काठमाडौं : पश्चिमी र स्थानीय वायुको आंशिक प्रभाव रहँदा देशका केही भूभागमा बुधबार पनि वर्षाको सम्भावना छ। मौसम पूर्वानुमान म...
मुक्तिनाथ सडक धमाधम कालोपत्रे
असार ६, २०७५
पर्वत : हिमालपारिको जिल्ला मुस्ताङको मुक्तिनाथ पुग्ने सडक कालोपत्रे गर्ने काम सुरु भएको छ। कागबेनीबाट हिन्दु तथा बौद्ध धर्मावलम्बीहरुको पवित्र धार्मिक स्थल मुक्तिनाथ मन्दिर जोड्ने डेढ किलोमिटर सडकको कालोपत्रे गर्ने काम भरहेको मुस्ताङका जिल्ला इञ्जिनियर रवीन्द्र तिवारीले जानकारी दिए।
स्थानीय विकास मन्त्रालयअन्तर्गत ग्रामीण पुनर्निर्माण तथा पुन:स्थापना आयोजना ट्रिपल आरले उक्त सडकमा दोस्रो पटक कालोपत्रे गर्न एक करोड ४४ लाख रुपैयाँ बजेट विनियोजन गरेपछि काम शुरु गरिएको हो।
एक वर्षअघि ट्रिपल आरकै लगानीमा उक्त सडकखण्डको कालोपत्रे बिच्छ्याउने कार्य सम्पन्न भएको थियो। अघिल्लो पटक कालोपत्रे गर्न बाँकी डेढ किलोमिटर सडकमा यो वर्ष थप बजेट आएपछि कालोपत्रे गर्न शुरु गरिएको हो।
यसअघि उक्त सडकमा २२ करोड लागतमा करिब ११ किलोमिटर सडकमा कालोपत्रेपूरा भएको थियो।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।