धादिङ : रुपन्देहीको सुनौलीबाट औषधिमा प्रयोग हुने केमिकल काठमाडौँतर्फ जाँदै गरेको ना४ख ८६१७ नम्बरको ट्रकमा मंगलबार बिहान आगलागी भएको ...
एसईई पूरक ग्रेडवृद्धि साउन २३ देखि, ‘सी’ देखि तलकाले परीक्षा दिन पाउने
दुई विषयसम्म अनुपस्थित रहेकाले जाँच दिनसक्ने
असार १२, २०७५
काठमाडौं : राष्ट्रिय परीक्षा बोर्डले गत चैतमा सञ्चालित माध्यमिक शिक्षा परीक्षा (एसईई) मा ‘सी’ वा सोभन्दा तलको ग्रेड ल्याउने र बढीमा दुई विषयसम्म अनुपस्थित रहेका वा दुई विषयसम्म ग्रेड उल्लेख नभएका परीक्षार्थीका लागि पूरक ग्रेडवृद्धि परीक्षा लिने भएको छ।
परीक्षा साउन २३ देखि भदौ २ गतेसम्म हुनेछ। परीक्षाको समय बिहान ८ देखि ११ बजेसम्म तोकिएको बोर्डले जनाएको छ।
साउन २३ गते अनिवार्य अंग्रजीको परीक्षा हुनेछ। यस्तै वेदविद्याश्रमतर्फ अनिवार्य संस्कृत भाषा र साहित्य वा अनिवार्य अंग्रजीको परीक्षा हुनेछ। २४ गते अनिवार्य नेपालीको परीक्षा तय भएको छ भने २५ गते अनिवार्य गणित र २६ गते अनिवार्य विज्ञानको परीक्षा लिइनेछ। वेदविद्ययाश्रमतर्फ २६ गते नै अनिवार्य संस्कृत व्याकरण तथा अनुवादको जाँच हुनेछ।
२७ गते अनिवार्य सामाजिक अध्ययनको परीक्षा हुनेछ भने २८ गते अनिवार्य स्वास्थ्य जनसंख्या तथा वातावरण शिक्षाको जाँच हुनेछ। वेदविद्याश्रमतर्फ यो दिन अनिवार्य संस्कृत भाषाको परीक्षा तोकिएको छ। २९ गते एेच्छिक प्रथमका सबै विषय र ३० गते ऐच्छिक द्वितीयका सबै विषयको जाँच हुनेछ।
प्राविधिकतर्फका परीक्षा भने साउन २७ देखि सुरु भई भदौ २ गते सकिने बोर्डले निकालेको सूचनामा उल्लेख छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।