संखुवासभा : संखुवासभाको चिचिला गाउँपालिकास्थित छ्याङ्कुटीमा ट्याक्टर दुर्घटना हुँदा चालकको मृत्यु भएको छ। आज दिउँसो चिचिलाबाट छ्याङ्...
बिर्तामोडको होटलमा प्रहरीको छापा : छ महिलासहित नौ पक्राउ
असार १२, २०७५
भद्रपुर (झापा) : बिर्तामोडका होटल तथा लजहरुमा यौनधन्दा फस्टाएको भन्दै झापा प्रहरीले त्यसता अनैतिक क्रियाकलाप रोकथामका लागि विशेष अभियान सुरु गरेको छ।
होटल तथा लजहरुका सञ्चालकहरुले युवती तथा महिला राखेर यौनधन्दा चलाउने गरेको विशेष सूचनाको आधारमा प्रहरीले सोमबार बेलुका दुई वटा होटलमा छापा मारेको छ। इलाका प्रहरी कार्यालय बिर्तामोडबाट खटिएको प्रहरी टोलीले बिर्तामोड–१ स्थित युनिक होटल एण्ड लज र सोही ठाँउका भ्यू प्वइन्ट होटल एण्ड लजमा छापा मारेको प्रहरी कार्यालय झापाका प्रहरी नायब उपरीक्षक जितेन्द्रकुमार बस्नेतले जानकारी दिए।
उनका अनुसार दुई वटा होटलबाट छ महिलासहित नौ जनालाई नियन्त्रणमा लिएको हो। प्रहरीले अनैतिक क्रियाकलापमा संलग्न गराएको आरोपमा युनिक होटल एण्ड लज सञ्चालक कुमार पोर्तेललाई नियन्त्रणमा लिएको हो। उनीहरुलाई आवश्यक कारवाहीका लागि जिल्ला प्रशासन कार्यालय झापाबाट म्याद थप गरी अनुसन्धान भइरहेको प्रहरी उपरीक्षक बस्नेतले बताए।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।