काठमाडौं : राप्रपा बर्दियाको मधुवन नगर कार्यसमितिका अध्यक्ष ठाकुरप्रसाद डाँगीको निधन भएको छ। गत चैत २७ गते राप्रपाले काठमाडौं...
मोटरसाइकल दुर्घटनामा एक युवकको मृत्यु, दुई गम्भीर घाइते
असार १२, २०७५
दाङ : मोटरसाइकल दुर्घटनामा परी भालुबाङका एक युवकको कपिलवस्तुमा मृत्यु भएको छ भने दुई युवक गम्भीर घाइते भएका छन्। भालुबाङदेखि बुटवल जाँदै गरेको भे ८ प ११५१ नम्बरको मोटरसाइकल सवार दाङका अनिल बस्नेतको मृत्यु भएको हो।
कपिलवस्तुको शिवराज नगरपालिका ५ चन्द्रौटानजिक खैरी भन्ने स्थानमा दुर्घटना हुँदा राप्ती गाउँपालिका १ भालुबाङका ३५ वर्षका बस्नेतको निधन भएको जिल्ला प्रहरी कार्यालय कपिलवस्तुले जनाएको छ। यस्तै राप्ती गाउँपालिका १ भालुबाङका सन्तोष पुन र बिशाल पुन गम्भीर घाईते भएको वडा प्रहरी कार्यालय चन्द्रौटाले जनाएको छ।
घाइते दुबैको बुटवलस्थित लुम्बिनी अञ्चल अस्पतालमा उपचार भइरहेको प्रहरीले जनाएको छ। घाइते सन्तोष र विशालको अवस्था चिन्ताजनक रहेको प्रहरीले जनाएको छ। तीब्र गतिका कारण दुर्घटना भएको प्रहरीले जनाएको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।