काठमाडौं : सिन्धुपाल्चोकको तौथलीमा जन्ती बोकेको बस दुर्घटना हुँदा ३ जनाको मृत्यु भएको छ। दोलखाको भीमेश्वर नगरपालिका–१ सुस्पा...
तनहुँ : पृथ्वी राजमार्गस्थित तनहुँको आँबुखैरेनी गाउँपालिका १ बरादी नजिकै पुलमा मंगलबार मोटरसाइकल र भ्यान र बस एकआपसमा ठक्कर खाँदा तीन जनाको मृत्यु भएको छ भने छजना घाइते भएका छन्।
मोटरसाइकलका चालक तनहुँको आँबुखैरेनी गाउँपालिका ४ का २६ वर्षीय दिलबहादुर मगर, पर्वतको कुस्मा नगरपालिका ९ की वर्षीया पार्वती लामिछानेकी छोरी तीन वर्षीया ममता लामिछाने र सनाखत हुन नसकेका २७ वर्षका एक जना पुरुषको मृत्यु भएको जिल्ला प्रहरी कार्यालय तनहुँका प्रहरी नायव उपरीक्षक सुनिल मल्लले जानकारी दिए।
पर्वतको कुस्मा नगरपालिका ९ की ३० वर्षीय पार्वती लामिछाने, कुस्माकै २४ वर्षीय गुरुदत्त तिवारी, पर्वतको खुर्कोटकी ३९ वर्षीया सीतादेवी चालिसे, नवलपरासीको सुस्ता १ का ३५ वर्षीय आनन्द तिवारी, भरतपुर महानगरपालिका ६ का २० वर्षीय सरु पाठक घाइते भएका छन् ।
आँबुखैरेनीबाट डुम्रे आउँदै गरेको ग १ ख ३१७३ नम्बरको बस, विपरित दिशाबाट जाँदै गरेको बा १७ च १८१४ नम्बरको भ्यान र सोही दिशाबाट जाँदै गरेको ग ५ प १९४४ नम्बरको मोटरसाईकल ठोकिदा तीन जनाको मृत्यु भएको प्रहरीले जनाएको छ।
घाइतेको गण्डकी अस्पताल र मणिपाल शिक्षण अस्पताल पोखरामा उपचार भइरहेको जिल्ला प्रहरी कार्यालय तनहुँले जनाएको छ। घाइते मध्ये एकजनाको अवस्था सामान्य भएकोले डिस्चार्ज भएको प्रहरीले जनाएको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।