फ्रान्स र डेनमार्क : बराबरी खेलेर दुवै नकआउट चरणमा
असार १२, २०७५
विश्वकप को समूह सी मा रहेका फ्रान्स र डेनमार्क नकआउट चरणमा प्रवेश गरेका छन्। यी दुई टीमले समूह चरणको अन्तिम खेलमा गोलरहित बराबरी खेलेर अन्तिम १६ मा प्रवेश गरेका हुन्।
यो समूहमा फ्रान्सको यसअघि नै ६ अंक थियो भने डेनमार्कको ४ अंक थियो। फ्रान्सलाई अघिल्लो चरण पुग्न सहज भएपनि डेनमार्कलाई कम्तिमा बराबरी खेल्नुपर्ने बाध्यता थियो। र नतिजा पनि त्यस्तै आएको छ।
यसमा फ्रान्स समूहको विजेता भएर अन्तिम १६ मा पुगेको छ भने डेनमार्क उपविजेता भएर।
यी दुई देशले नकआउट चरणमा समूह डी को विजेता र उपविजेतासँग प्रतिस्पर्धा गर्नेछन्। समूह डी को अन्तिम खेल आजै हुन लागेको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।