काठमाडौं : नागरिक लगानी कोष र सिउरी न्यादी पावर लिमिटेडबीच सेयर प्रत्याभूति सम्झौता भएको छ। सिउरी न्यादीले निष्कासन गर्न लागेको सेयरको क...
काठमाडौं : नविल बैंकले एकै पटक १२ वटा शाखा संचालनमा ल्याएको छ। नविल बैंकले मंगलबार कर्णाली प्रदेश तथा प्रदेश ७ र प्रदेश ५ का विभिन्न गाउँपालिकाहरुमा १२ वटा शाखा आजैबाट कारोबार सूरु हुनेगरी संचालनमा ल्याएको हो।
मंगलबार अर्थमन्त्री डा. युवराज खतिवडाले काठमाडौंमा अनलाईनमार्फत् १२ वटा शाखाको उद्घाटन गरे। कर्णाली प्रदेशमा ५, प्रदेश ५ मा १ र प्रदेश ७ मा ६ वटा नबिल बैंकका शाखाहरु संचालन गरिएका छन्। बैंकका प्रमुख कार्यकारी अधिकृत अनिलकेशरी शाहले नेपाल राष्ट्र बैंकको निर्देशन अनुसार एकै पटक १२ वटा शाखा संचालनमा ल्याइएको बताए।
उनले सबै शाखामा आजैबाट कारोबार पनि सुरु गरिएको जानकारी दिए। १२ वटा थप भएसँगै नविल बैंकको देशभर ७४ वटा शाखा संचालनमा आएको छ। १ सय १५ वटा एटिएमहरुको संरचना र १ हजार ५ सय भन्दाबढि नबिल रेमिट एजेन्टको प्रभावकारी परिचालनमार्फत् सेवाग्राहीलाई थप सन्तुष्टि प्रदान गर्ने बैंकको दावी छ। बैंकले स्थानीय तहमा संचालन गरिएका शाखाहरुको सुरक्षाको उचित व्यवस्था गर्न सरकारसँग माग पनि गरेको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।