इण्डियन प्रिमियर लिग (आईपीएल)मा मार्कस् स्टोइनिसको शतकसँगै लखनउ सुपर जायन्ट्सले चेन्नई सुपर किंग्सलाई ६ विकेटले पराजित गरेको छ। गएरा...
फ्रान्सका खेलाडी केलियन एम्बाप्पेले विश्वकपमा आफूले कमाएको पाँच लाख अमेरिकी डलर च्यारिटीलाई दान दिएका छन्।
एम्बाप्पेले फ्रान्सको प्रिमियर्स डी कोर्डी नामक संस्थालाई उनले अप्रिलमा नै केही रकम सहयोग गर्ने वाचा गरेका थिए। विश्वकपबाट फर्किएपछि उनले प्रतिखेल पाउने रकमका साथै बोनस रकम मिलाएर पाँच लाख डलर सो संस्थालाई दिने घोषणा गरेका हुन्।
अनाथ र अपांग बालबालिकाको सहयोगका लागि खोलिएको सो संस्थामा रहेका बालबालिकामा पनि फुटबलमा लगाव होस् भनेर सो रकम दिएको उनले बताए। एम्बाप्पेले च्यारिटीलाई सहयोग गरेको यो पहिलो पटक भने होइन। उनले फ्रान्सको एक कलेजका २५ विद्यार्थीलाई रसिया विश्वकप हेर्नका लागि प्रायोजन गरेका थिए।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।