धनकुटा : के तपाईं धनकुटा आउनुभएको छ? यदि आउनुभएको छ भने यहीँ उत्पादन भएको नरिवल बिस्कुट पक्कै खानुभयो होला वा आउँदै हुनुहुन्छ भने&n...
अर्घाखाँचीमा विकास बजेट खर्च औसत
साउन २, २०७५
अर्घाखाँची : अर्घाखाँचीका स्थानीय तहमा विकास बजेट औसत रूपमा खर्च भएको छ। ६ स्थानीय तहमध्ये छत्रदेव गाउँपालिकाले चालुमा ९८.१८ प्रतिशत पुँजीगतमा ६९.४३ खर्च गरेको छ। यस्तै जिल्ला सदरमुकाम रहेको सन्धिखर्क नगरपालिकाले ८८.४७ चालुमा तथा पुँजीगतमा शतप्रतिशत खर्च गरेको कोष तथा लेखा नियन्त्रण कार्यालयका कोष नियन्त्रक कमल पन्थीले जानकारी दिए।
मालारानी गाउँपालिकाले चालुतर्फ ९६.६९ प्रतिशत खर्च गरेको छ भने पुँजीगत तर्फ ६७.४७ प्रतिशत खर्च गरेको जनाइएको छ। शीतगंगा नगरपालिकाले चालुतर्फ ९७.३३ प्रतिशत र पुँजीगत तर्फ ६७.४७ प्रतिशत खर्च भएको पन्थीको भनाइ रहेको छ।
भूमिकास्थान नगरपालिकाले चालुमा ९३.३२, पुँजीगत ६७.४७ प्रतिशत गरेको छ भने पाणीनि गाउँपालिकाले चालुतर्फ ९२.८० प्रतिशत र पुँजीगत तर्फ ६९.४३ प्रतिशत खर्च भएको प्रमुख कोष नियन्त्रक शालिकराम पौडेलले जानाकारी दिए।
जिल्लामा कुल चार अर्बको चालु बजेट रहेकोमा तीन अर्ब ७२ लाख खर्च भएको र पुँजीगततर्फ एक अर्ब ४९ लाख मध्ये एक अर्ब ३४ लाख खर्च भएको पौडेलको भनाइ रहेको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।