काठमाडौं : एसीसी प्रिमियर कप टी-२० क्रिकेट प्रतियोगितामा तेस्रो स्थानका लागि शनिबार नेपालले हङकङसँग प्रतिस्पर्धा गर्दैछ। शुक्रबार सेम...
काठमाडौं : नेपाल पहिलो एकदिवसीय तथा त्यसअघि लर्डसमा हुने टी–२० त्रिकोणात्मक श्रृखंलाका लागि बिहीबार बेलायत प्रस्थान गर्दै छ। लन्डन जाने टिमलाई बुधबार औपाचारिक बिदाइ गरिएको छ। युुवा तथा खेलकुदमन्त्री जगत विश्वकर्माले टोलीको बिदाइ गर्दै सफलताको शुभकामना दिए।
नेपालले टी–२० श्रृंखला २९ जुलाईमा लर्डस तथा नेदरल्यान्ड्चमा १ र ३ अगस्टमा पहिलो ऐतिहासिक एक दिवसीय अन्तर्राष्ट्रिय खेल खेल्नेछ। नेपाली टिमको बिदाइ समारोहमा भेट्रान स्पिनर शक्ति गौचनले औपचारिक संन्यासको घोषणा गरेका थिए।
कप्तान पारस खड्काले शक्ति जस्ता खेलाडीको योगदानले नै नेपालले ठूलो सफलता हासिल गरेको भन्दै उनी जस्ता खेलाडी नेपाली क्रिकेटले सधैँ सम्झने बताए।
संन्यास घोषणाका क्रममा शक्तिले , ‘मैले एक दिवसीय खेलेर संन्यास लिने अवसर पाएको छु, नयाँ आउने खेलाडीले टेस्ट खेलेर संन्यास लिने दिन देख्न पाइयोस्।’ पारस खड्काको कप्तानीमा मंगलबार १५ सदस्यीय क्रिकेट टोलीको घोषणा भएको थियो।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।