काठमाडौँ : डेढ महिना नपुग्दै पाँचदलीय नयाँ सत्ता समीकरण धर्मराएको छ। भागबन्डाको विषयलाई लिएर साझेदार दलहरूसँग नेकपा एकीकृत ...
प्रदेश र जिल्लाको एकीकरण प्रतिवेदन ७ गतेभित्र पठाउन नेकपाको निर्देशन
भदौ ४, २०७५
काठमाडौं : नेपाल कम्युनिस्ट पार्टी नेकपाले पार्टीको प्रदेश र जिल्ला तहको सांगठानिक एकीकरणका निम्ति गठन भएको कार्यदललाई भदौ ७ गतेसम्म प्रतिवदेन बुझाउन निर्देशन दिएको छ।
प्रधानमन्त्री तथा पार्टी अध्यक्ष केपी शर्मा ओलीको सरकारी निवास बालुवाटारमा बसेको सचिवालय बैठकले सबै प्रदेश तथा जिल्लामा गठिन कार्यदललाई भदौ ७ गतेभित्र अनिवार्य प्रतिवेदन बुझाउन निर्देशन दिएको हो।
यसअघि पार्टीले कार्यदललाई साउन मसान्तको समय दिएको थियो तर यो समयमा केही प्रदेशले एकीकरण प्रक्रिया टुंगो लगाउन नसकेकाले भदौ ७ सम्मको म्याद थपिएको पार्टी प्रवक्ता नारायणकाजी श्रेष्ठले जानकारी दिए। अब प्रदेश १ र २ बाट प्रतिवेदन आउन बाँकी छ। प्रतिवेदन आएका अन्य प्रदेशमा पनि समितिको संख्या टुंगिए पनि नेतृत्वको विवाद छ।
जिल्ला तथा प्रदेशमा पार्टी एकीकरणाका लागि ७७ वटै जिल्ला र सातै प्रदेशमा कार्यदल बनेको छ। जिल्लाहरूले प्रदेशमार्फत केन्द्रमा प्रतिवेदन पठाउने छन्। ७ गतेभित्र मिलिसकेको भए मिलेको र विवाद नमिलेको भए जस्ताको त्यस्तै केन्द्रमा पठाउन निर्देशन दिएको छ।
यसैबीच प्रतिवेदन ढिला आएका कारण भदौ ८ र ९ गतेका लागि बोलाइएको स्थायी समिति बैठक भदौ १९ र २० गतेका लागि सारिएको प्रवक्ता श्रेष्ठले बताए। उक्त बैठकमा पार्टीको जिल्ला तथा प्रदेशको एकता प्रक्रिया टुंगोमा पुर्याउने, जनवर्गीय संगठनको एकतालगायत विषयमा छलफल हुने छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।