संघीय संसद प्रतिनिधिसभाकाे विकास तथा प्रविधि समितिमा बढ्दाे सवारी दुर्घटना र ट्राफिक दुर्घटनाबारे जानकारी दिने क्रममा मन्त्री महासेठले दाङमा भएको दुर्घटनाबारे जानकारी दिएका हुन्। 'बसभित्र पिकनिकबाट फर्किएका विद्यार्थीले गीत गाउने र मादल बजाउने गरेकाले बस ड्राइभरकाे माइन्ड डाइभर्ट भएकाे प्रारम्भिक कुरा छ', उनले भने, 'कतिपय बस चालक नयाँ भएकोले दुर्घटना हुने गरेका छन् तर त्याे बस स्कुलकाे थियाे। चालक पनि पुरानाे र अनुभवी नै थिए।'

मन्त्री महासेठले कतिपय अवस्थामा तीव्र गतिका कारण बस दुर्घटना हुने गरेका बताए। उक्त स्कुल बस दुर्घटना भएको ठाउँमा यसअघि पनि धेरै पटक दुर्घटना भएको थाहा हुन आएकाे मन्त्री महासेठले बताए। मन्त्री महासेठले सडक दुर्घटनाका कारण पत्ता लगाउन मन्त्रालयले सहसचिव सराेज प्रधानकाे अध्यक्षतामा अध्ययन समिति गठन गरिएको पनि जानकारी दिए।

उक्त अध्ययन समितिले एक महिनामा प्रतिवेदन दिने बताए। केहीदिन पहिले दाङमा बस दुर्घटना हुँदा २३ जना विद्यार्थीको मृत्यु भएको थियाे। उक्त दुर्घटनामा १० विद्यार्थी अझै घाइते छन्। वर्तमान सरकारले यातायातको सिन्डिकेट हटाएर ठूलो काम गरे पनि व्यवस्थित गर्न नसकिएकाे मन्त्री महासेठले जानकारी दिए। उनले सरकारका आफ्नै सवारी साधन नभएकाले निजी यातायात व्यवसायीकाे भर पर्नुेपरेकाे बताए।