काठमाडौं : देशका केही भागमा मंगलबार पनि मेघगर्जन र चट्याङसहित हल्का वर्षाको सम्भावना छ। मौसम पूर्वानुमान महाशाखाका अनुसार बि...
जनकपुरधाम : लागुऔषध मुद्दाका फरार एक प्रतिबादीलाई बारा प्रहरीले पक्राउ गरेको छ। लागुऔषध मुद्दामा जिल्ला अदालत बाराबाट ६ महिना कैद र दुई हजार जरिवाना भई फरार रहेका प्रतिवादीलाई प्रहरीले पक्राउ गरेको हो।
पक्राउ पर्नेमा बारा जिल्लाको जितपुर सिमरा उप महानगरपालिका ८ बस्ने हिरा महतो धानुक रहेको प्रदेश प्रहरी कार्यालय जनकपुरधामले जनाएको छ। इलाका प्रहरी कार्यालय सिमरा बाराबाट खटिएको प्रहरी टोलीले आफ्नै घरमा लुकी छिपी बसेको अवस्थामा फेला पारी पक्राउ गरी बारा जिल्ला अदालतमा पेश गरिएको जनाएको छ।
जिल्ला अदालतको आदेशानुसार निज धानुकलाई तोकिएको कैद भुक्तानको लागि बीरगञ्जस्थित कारागारमा पठाइएको प्रदेश प्रहरी कार्यालय जनकपुरधामका प्रहरी नायव उपरीक्षक दानबहादुर थापाले जानकारी दिए।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।