१२ दिने घुम्ती शिविरमार्फत नगरपालिकाले ३ हजार वालवालिकाको जन्मदर्ता गराएको छ। नगरपालिकाले अवदेखि नियमित रुपमा रुपमा जन्मदर्ता अभियान संचालन गर्ने भएको छ। नगरपालिकाका सवै वडामा जन्मिने सवै वालवालिकाको जन्मदर्ता गर्ने जनाएको छ। 'पहुँच परियोजनाको सहयोगमा छेडागाड नगरपालिका यो अभियान चलाएको  हो।

सामाजिक सुरक्षा, बाल गरिबी तथा जोखिमतासम्बन्धी घरधुरी सर्वेक्षण प्रतिवेदन २०७५ ले नगरपालिकाभित्र १६ वर्ष मुनिका कूल बालबालिका मध्ये ३ हजार ६२७ वालवालिकाको जन्मदर्ता छुटेको भेटिएपछि नगरपालिकाले जन्मदर्ता अभियान चलाएको मेयर लालवहादुर महताराले बताए। महताराले भने, 'जन्मदर्ताको अधिकार बालबालिकाको पहिलो अधिकार भएकोले सवै वालवालिकाको जन्तदर्ताको अधिकार सुनिश्चित गर्न आफूहरूले यो अभियान सुरु गरेको र वालवालिकाको जन्मदर्ता गरेर उनीलाई राज्यले दिने सवै प्रकारका सेवा सुविधामा सहज पहुँच स्थापित गर्नु पनि हो।' 

आफूहरूले १२ दिन सम्म सन्चालन गरेको जन्मदर्ता अभियानमा करिब ३ हजार बालबालिकाले जन्मदर्ता गराएको र जन्मदर्ता गराउन छुटेका सबै बालबालिकाको खोजी खोजी जन्मदर्ता गरिने नगर प्रमुख महताराले थपे। पाँचवर्ष मुनिका सबै बालबालिकाको लागि नेपाल सरकारले व्यवस्था गरेको बालपोषण अनुदानका लागि जन्मदर्ता भइसकेका सवै वालवालिकाको विवरणलाइ फागुन मसान्तभित्र मुख्य घटना दर्ता तथा सामाजिक सुरक्षा सुचना व्यवस्थापन प्रणालीमा प्रवृष्टि गरिसक्ने र आगामी चैत्र महिनादेखि बालपोषण अनुदान बापत बालबालिकाले प्रतिमहिना ४०० का दरले रकम प्राप्त गर्ने नगरपालिकाले जनाएको छ।

यस सहयोगले नगरपालिका भित्रका ५ वर्ष मुनिका सयौं बालबालिकामा पोषणको अभाव घट्ने र कुपोाषणको अवस्थामा सुधार आउने अपेक्षा गरिएको प्रमुख प्रशासकीय अधिकृत प्रेमप्रसाद आचार्यले जानकारी दिए। आचार्यले भने, 'बालश्रम र बालविवाह न्यूनीकरण गर्नको लागि जन्मदर्ता महत्वपूर्ण र जरुरी रहेका छ, बालविवाह गर्ने गराउने दुबैलाई कानुनी दायरामा ल्याउन जन्मदर्ता प्रमाणपत्रले बलियो प्रमाणको रुपमा काम गर्नेछ।'