मंगलबार सामाजिक संजाल ट्विटरमा आफ्ना धारणा राख्दै प्रवक्ता श्रेष्ठले पार्टी एकीकरणमा ढिलाइ हुँदा लाखौं कार्यकता र कमिटी जिम्मेवारविहीन भएको भन्दै दुःख व्यक्त गरेका छन।

नेकपा घोषणा भएको १० महिना पुग्न लाग्दा पनि सांगठनिक एकताको कार्य पुरा हुन नसक्नु र पार्टीको राजनीतिक प्रतिवेदन प्रकाशित नहुनु दुःखद भएको भन्दै श्रेष्ठले लेखेका छन्, ‘यो दुखःद र हानिकारक स्थितिको अन्तको लागि जे गर्नुपर्छ तु गरौँ।’

नेपाल कम्युनिस्ट पार्टीका प्रवक्ता नारायणकाजी श्रेष्ठले पार्टी एकीकरणका बाँकी काम सम्पन्न गर्न पूर्वएमाले र माओवादी नेताहरूबीच छलफल भइरहेको बताएका छन। उनले पार्टी एकीकरणमा भइरहेको ढिलाइबारे पनि गहन छलफल भइरहेको बताएका छन। उनले अध्यक्षद्वयले एकीकरणको विषय छिटो टुंगोमा नपुर्‍याए अध्यक्षद्वयबाहेकका नेताले निर्णय लिन बाध्य हुने संकेत गरेका छन।

नेकपा एकतामा भएको ढिलाइप्रति कार्यकतामा रहेको असन्तुष्टि पछिल्लो समय नेतृत्व तहमा पनि देखिन थालेको हो। केही समयअघि प्रवक्ता श्रेष्ठसहितका नेताहरूले नेतृत्वप्रति असन्तुष्टि जनाउँदै सचिवालय बैठक नै बहिस्कार गरेका थिए।

प्रधानमन्त्री केपी शर्मा ओलीले आफूहरूलाई कुराएर अपमानित गरेको भन्दै सचिवालय सदस्यहरू माधवकुमार नेपाल, झलनाथ खनाल, वामदेव गौतम र प्रवक्ता श्रेष्ठले बैठक बहिस्कार गरेका थिए।

सरकार र सीके राउतबीचको सहमतिलाई लिएर नेकपामा तरंग पैदा भइरहेको बेला श्रेष्ठले गरेको ट्विटलाई अर्थपूर्ण रूपमा हेरिएको छ।

हाम्राे पाटीं नेकपा घाेषणा भएकाे करीब १०महिना पुग्न लाग्याे।अझै साँगठनिक एकीकरणकाे कार्य पुरा हुन सकेकाे छैन।लाखाैं कार्यकर्ता कमिटी र जिम्मेवारी बिहीन बनेका छन्।पार्टीकाे राजनीतिक प्रतिबेदन पनि प्रकाशित भएकाे छैन।याे दुखःद र हानिकारक स्थितिकाे अन्तकाे लागि जे गर्नुपर्छ तु गराैं।

— NKShresthaPrakash (@nksthaprakash) March 12, 2019

पार्टीएकता भएकाे१०महिना बित्दा पनि साँगठनिक एकीकरण पुरा नहुनु र राजनीतिक प्रतिबेदन प्रकाशित नहुनुले हामी उच्चतहका नेतृत्वदायी व्यक्तिहरूमाथि नैतिक प्रश्र्न खडा गरेकाे छ।गुटगत चिन्तन,ब्यक्तिगत स्वार्थ र प्राथमिकताकाे उपेक्षाले हामी सबैलाई बर्बाद गर्नेछ।अकर्मण्य र तमासे नबनाै।गराैं

— NKShresthaPrakash (@nksthaprakash) March 12, 2019