काठमाडौं : पाँच वर्षमुनिका बालबालिकालाई आज भिटामिन ‘ए’ र जुकाको औषधि खुवाइँदैछ। राष्ट्रिय भिटामिन ‘ए&rs...
उपकुलपति डा. रौनियारमाथि छानबिन गरियोस् भन्दै स्वास्थ्य मन्त्रालय पुग्यो अख्तियार
फागुन ३०, २०७५
कठमाडौं : स्वास्थ्य तथा जनसंख्या मन्त्रालयले धरानस्थित नेपालकै प्रतिष्ठित बिपी कोइराला स्वास्थ्य विज्ञान प्रतिष्ठान धरानका उपकुलपति प्राडा. राजकुमार रौनियारले विगतदेखि गर्दै आएका अनियमितता तथा घोटालाका सम्बन्धमा विस्तृत छानबिन गरी कारबाहीका लागि अख्तियार दुरुपयोग अनुसन्धान आयोगमा पठाइएको छ।
प्रतिष्ठानमा विगतदेखि भएका अनियमितताका सम्बन्धमा विभिन्न सञ्चार माध्याममा आएका तथा सरकारले गठन गरेका दुईवटा समितिको छानबिन प्रतिवेदनका आधारमा माननीय उपप्रधानमन्त्रीस्तरबाट निर्णय गरी अख्तियारमा पठाइएको हो।
माननीय उपप्रधानमन्त्रीस्तरबाट मंगलबार गरिएको निर्णयअनुसार कारबाहीका लागि अख्तियार दुरुपयोग अनुसन्धान आयोगमा पठाइएको हो। अनियमितता तथा घोटालाका सम्बन्धमा प्रतिष्ठानका उपकुलपतिले सम्पादन गरेका अनियमित कार्यहरूको छानबिन प्रतिवेदनसमेत पेस गरिएको छ।
प्रतिष्ठानका सहकुलपतिसमेत रहेका उपप्रधान एवं स्वास्थ्य तथा जनसंख्या मन्त्री उपेन्द्र यादवले गत १७ फागुनमा बसेको प्रतिष्ठानको सिनेट बैठकमा डा रौनियारलाई पदमुक्त गर्न सिफारिस गर्ने निर्णय गरेको थियो।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।