काठमाडौँ : प्रधानमन्त्री पुष्पकमल दाहाल प्रचण्डले अर्को निर्वाचन नहुँदासम्म अहिलेकै सरकार कायम रहने बताएका छन्। मंगलवार नेपाल उद्योग परिसंघक...
गल्ती नगर्न मन्त्री र सचिवलाई निर्देशन
काठमाडौं : प्रधानमन्त्री केपी शर्मा ओलीले सरकारले राम्रो काम गर्दागर्दै पनि छवि धमिल्याउने प्रयास भएको गुनासो गरेका छन्। राष्ट्रिय समस्या समाधान समितिको ४५औँ बैठकमा उनले यस्तो गुनासो गरेका हुन्।
'सरकारको छवि उज्यालिएला भनेको धमिलिने स्थिति बनेको छ', आफ्नै अध्यक्षतामा बसेको बैठकलाई सम्बोधन गर्दै प्रधानमन्त्री ओलीले भने। उनले सरकारलाई असहयोग गर्ने वतावरण सिर्जना गरिएको समेत आरोप लगाएका छन्।
'असहयाेगकाे वातावरण चौतर्फी रूपमा सिर्जना गरिएको छ। सरकारलाई बदनाम गर्ने प्रयास गरिएको छ। सरकार बेठिक छ भन्ने पार्न खोजिएको छ', प्रधानमन्त्री ओलीले भने। उनले राजनीतिक रूपमा मात्रै नभइ सरकारी संयन्त्रबाट समेत हमला हुने गरेको गुनासो गरेका थिए।
'राजनीतिक हमला भएका छन् नै, सरकारी निकायबाट जानेर-नजानेर असहयाेग भएकाे छ', प्रधानमन्त्री ओलीले भने, 'कसैले भन्न नपाउने गरी गल्ती नै नगरौँ समस्या समधान हुन्छ।'
वित्तीय संघीयता कार्यान्वयनको सवालमा सरकारले सफलता प्राप्त गरेको प्रधानमन्त्रीको दाबी थियो। उनले नयाँ प्रणाली संचालन गर्दासमेत बिना विवाद स्थापित गरेको दाबी गरे। 'टेलरले कोट, पाइन्ट नापेर बनाएपछि त फेरी उधारेर बनाउने गर्छ, हामीले त नयाँ प्रणालीको विकास गरेका हौँ। यसमा सफलता पाएका छौँ', प्रधानमन्त्री ओलीलले भने।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।