अफगानिस्तानमा तीन दिनदेखिको भारी वर्षा र बाढीका कारण कम्तीमा ३३ जनाको मृत्यु भएको छ। सरकारको प्रकोप व्यवस्थापन विभागका अनुसार शुक्र...
इरानले खसाल्यो अमेरिकी जासुसी ड्रोन
असार ५, २०७६
इरानी रिभोल्युसनरी गार्डले अमेरिकी जासुसी विमान खसालेको दावी गरेको छ। त्यहाँको सरकारी समाचारमाध्यमले दक्षिण इरानको होर्मोज्गान प्रान्तस्थित खुमोबाराक नजिकै उँडिरहेको आरक्यू–४ ग्लोबल हक नामक मानवरहित जासुसी विमानलाई बिहीबार विहान इरानी आर्मीले निशाना बनाएको जनाएको छ।
अमेरिकाले घटनाको पुष्टि पनि गरेको छैन, अस्विकार पनि गरेको छैन। घटनाबारे सिधै टिप्पणी नगरे पनि अमेरिकी सेनाका प्रवक्ताले इरानको आकासमा ड्रोन उँडाउने नीति नभएको बताए।
अमेरिकाले इरानलाई लक्षित गरी मध्यपूर्वमा एक हजार सेना थप्ने घोषणा गरेको भोलिपल्ट घटना भएको हो। अमेरिकाले ओमनको खाडीमा तेल बोकेर आवतजावत गरिरहेका ट्याङ्करलाई इरानले तारो बनाएको आरोप लगाउँदै आएको छ। घटना भएको क्षेत्र इरानको सबैभन्दा ठूलो तेल आपूर्ति केन्द्रको नजिकै पर्दछ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।