काठमाडौं : देशका केही भागमा मंगलबार पनि मेघगर्जन र चट्याङसहित हल्का वर्षाको सम्भावना छ। मौसम पूर्वानुमान महाशाखाका अनुसार बि...
रसुवागढी जलविद्युतको सुरुङमा थुनिएका मजदुरको उद्धार सुरु
फाइल तस्बिर
असार ६, २०७६
रसुवा : रसुवामा निर्माणाधीन रसुवागढी जलविद्युत आयोजनाको सुरुङ निर्माणस्थलमा पहिरो जाँदा सुरुङमा थुनिाएका १७ मजदुरको उद्धार कार्य सुरु भएको छ।
बिहीबार साँझ साढे ८ बजे गएको पहिरो सुरुङ निर्माणस्थलमा खस्दा १०० मिटरभित्र मजदुरहरु थुनिएका थिए। उनीहरुको बिहानैदेखि उद्धार कार्य सुरु भएको रसुवाका प्रमुख जिल्ला अधिकारी अर्जुन भण्डारीले जानकारी दिए।
प्रजिअ भण्डारीका अनुसार सुरुङभित्र रहेका मजदुरहरुसँग सञ्चार सेटमा सम्पर्क भइरहेको छ। सबै सकुसल रहेको बताइएको छ। उद्धार टोलीमा स्वास्थ्य टोली पनि रहेका छन्। थुनिएका मजदुर बाहिर निस्किनबित्तिकै स्वास्थ्य परीक्षण गरिने प्रजिअ भण्डारीले जनाएका छन्।
थुनिनेमध्ये ११ जना नेपाली र ६ जना चिनियाँ मजदुर छन्।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।