इटहरी स्थित क्रिकेट मैदानमा टस जितेर पहिला ब्याटिङ रोजेको एरिना च्यालेन्जर्सले निर्धारित २० ओभरको खेलमा ६ विकेट गुमाएर ९६ रन बनाएको थियो । उसका लागि अनिस लुइँटेलले नटआउट ४४ रनको योगदान दिए। सुमन पौडेलले १५ रन बनाए । एपीएफका लागि सागर भण्डारीले २ महत्त्वपूर्ण विकेट लिए । चार ओभर बलिङ गरेका उनले २ मेडन सहित २ रनमात्र खर्चिएर २ विकेट लिन सफल भए । त्यस्तै भुवन कार्कीले २ तथा दिपेन्द्र रावल ले १–१ विकेट लिए।   

जवाफमा ९७ रनको बिजयी लक्ष्य पछ्याएको एपिएफले ४ विकेट गुमाउँदै १२ औँ ओभरमा लक्ष्य भेटाउन सफल भयो। उसका लागि शंकर राणाले ४२ रन बनाउँदा प्रज्वल शाहीले १३ र आयुष्मान बलमे २० रन बनाए। बलिङतर्फ एरिना च्यालेन्जर्सका संयम पोखरेल, भूपाल लुइँटेल र सुमित तिमल्सिनाले २–२ विकेट लिए। विजयी टिम एपीएफका शंकर राणा खेलको म्यान अफ द म्याच घोषित भए। 

प्रतियोगिताको सेमिफाइनलअन्तर्गत शनिबार राति दुईवटा खेल हुनेछन्। पहिलो सेमिफाइनल खेल इनरुवाविरुद्ध नेपाल पुलिस क्लबमैदानमा उत्रिनेछ। यस्तै दोस्रो खेल एपीएफ र त्रिभुवन आर्मी क्लबबीच हुनेछ। 

आइबार राति हुने फाइनल विजेताले उपाधिसहित नगद एक लाख र उपविजेताले ५० हजार जगद सहित ट्रफी पाउने आयोजकले जनाएको छ। प्रतियोगितामा नेपालका तीन विभागीय टिमसहित आठ टोलीको सहभागिता छ।