काभ्रेपलाञ्चोक : काभ्रेपलाञ्चोकको रोशी गाउँपालिका-५ नागबेलीस्थित बहुमूल्य बोधिचित्त (बुद्धचित्त) को रुख काटेको आरोपमा प्रहरीले चार युवाला...
बसले कारलाई ठक्कर दिँदा १ जनाको मृत्यु, ४ घाइते
असार ७, २०७६
चितवन : नारायणगढ मुग्लिन सडकमा पर्यटक बसले कारलाई ठक्कर दिँदा शनिबार एक जनाको मृत्यु भएको छ। मृत्यु हुनेमा स्याङ्जाका ४८ वर्षीय होमबहादुर थापा रहेको जिल्ला प्रहरी कार्यालय चितवनले जनाएको छ।
बा १ प ५०५ नम्बरको पर्यटक बसले ग १ च ७३०८ नम्बरको कारलाई भरतपुर महानगरपालिका २९ रिग्दी खोलामा अपरान्ह ४ बजे ठक्कर दिँदा ५ जना घाइते भएका थिए। उनीहरूमध्ये थापाको उपचारका क्रममा चितवन मेडिकल कलेजमा मृत्यु भएको प्रहरीले जनाएको छ।
अन्य ४ जना मध्ये २ जनाको चितवन मेडिकल कलेजमा, १ जनाको भरतपुर अस्पतालमा र एक जनाको पुरानो मेडीकल कलेजमा उपचार भइरहेको प्रहरीले जनाएको छ।
ट्यांकरमा कार ठोक्किँदा ४ जना घाइते
यस्तै नारायणगढ मुग्लिन सडकको भरतपुर २९ केराबारी खण्डमा ट्यांकरमा कार ठोक्किँदा ४ जना घाइते भएका छन। ग १ च ९७०० नम्बरको कार सडक छेउमा कोल्टिएको ना १ क ५४२७ नम्बरको पानी ट्यांकरमा ठोक्कीदा कारमा सवार उनीहरू घाइते भएको जिल्ला प्रहरी कार्यालय चितवनले जनाएको छ।
साँझ ५ः२० बजेको समयमा भएको सो दुर्घट्नामा परी घाइते भएकामध्ये २ जनाको अवस्था मध्यम रहेको छ भने २ जनाको अवस्था सामान्य रहेको छ। घाइते सवैको पुरानो मेडिकल कलेजमा उपचार भइरहेको प्रहरीले जनाएको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।