उपाधि दाबेदार मानिए पनि कमजोर देखिएको उसले अन्तिम खेलमा एसियाकप विजेता कतारको सामना गर्दैछ। सोमबार बिहान हुने खेल दुवै टोलीका लागि ‘गर या मर’ को अवस्था हुनेछ। 

कोलम्वियासँग २–० र पाराग्वेसँग १–१ को बराबरी खेलको अर्जेन्टिना १ अंकको साथ समुहको अन्तिम स्थानमा छ। यता पाराग्वेसँग २–२ गोलको बराबरी र कोलम्वियासँग १–० ले पराजित कतार गोलअन्तरमा अर्जेन्टिना भन्दा माथि छ।

समुह चरण नाघ्ने अंक गणित

दुवै टिमले स्पष्ट जित निकालेमा मात्रै नकाउट चरणमा प्रवेश गर्न पाउँदैनन्। त्यसपछि हुने पाराग्वे र कोलम्वियाको खेलको नतिजाले विजेता टिमको भाग्य निर्धारण गर्नेछ। 

कोलम्बिया यसअघिका दुवै खेलमा जित निकालेर ६ अंकसहित समुह विजेताका रुपमा क्वार्टरफाइनलमा पुगिसकेको छ। उसले पाराग्वेविरुद्ध औपचारिकताका लागि खेल्नेछ।  

पाराग्वे कोलम्बियासँग पराजित वा बराबरी भएको खण्डमा अर्जेन्टिना र कतारबीचको विजेता अघिल्लो चरणमा प्रवेश पाउनेछ। 

त्यो अवस्थामा ४ अंक हुँदा पाराग्वे हारे कोलम्बियाको खातामा ९ र बराबरीमा रोकिए ७ हुन्छ भने पराग्वे हारे उसको खातामा २ र बराबरीमा रोकिए ३ अंक मात्रै हुन्छ। तर, यदि कोलम्बिया र पाराग्वेबीचको खेलमा पाराग्वेले जितेको खण्डमा भने अघिल्लो चरण प्रवेशको लागि एउटै मात्र सम्भावना कायम रहन्छ। त्यो हो उत्कृष्ट २। 

उत्कृष्ट २ 

कोपा अमेरिकामा सहभागी १२ टिमलाई ३ समुहमा विभाजन गरिएको छ। जस्को समुह विजेता र उपविजेता गरी ६ टिमले क्वाटरफाइनलमा स्थान बनाउनेछ। 

बाँकी २ टिमलाई भने उत्कृष्ट दुईको विधिबाट लगिन्छ। ३ वटै समूहको तेस्रो स्थानमा रहेका ३ टिममध्येबाट शीर्ष दुईमा पर्ने टिमलाई क्वार्टरफाइनलमा प्रवेश दिइन्छ। 

यदि ती ३ टिमबीच अंक बराबरी भए गोलअन्तरमा अगाडि रहने टिम अर्को चरण जान्छ। तसर्थ, उत्कृष्ट दुईमा पर्न पनि राम्रो गोलअन्तर आवश्यक हुन्छ। उत्कृष्ट २ मा सम्भावना कायम राख्न दुवै टोलीलाई फराकिलो गोलअन्तर आवश्यक हुन्छ। हाल अर्जेन्टिना भन्दा कतारको गोलअन्तर राम्रो छ।