काठमाडौं : पत्रकार विनय यादवको मोटरसाइकल दुर्घटनामा परेर मृत्यु भएको छ। गएराति जनकपुर–ढल्केवर सडकखण्डमा पर्ने मिथिला नगरपालि...
काठमाडौं: दुर्लभ तथा संरक्षित वन्यजन्तु गैंडाको खागसहित प्रहरीले राजधानीको ढल्कुबाट तीनजलाई पक्राउ गर्न सफल भएको छ । महानगरीय प्रही वृत्त लैनचौरका प्रनाउ सन्तोषसिंह राठौर नेतृत्वको टोलीले ५५ लाख रूपैयाँमा बेच्न लागेको अवस्थामा दुर्लभ वन्यजन्तु गैंडाको खागसहित बुधबार दिउँसो २ बजेको समयमा तीनजनालाई पक्राउ गरेको हो ।
ढल्कोस्थित डेरामा बस्ने लालबहादुर गुरुङ्गको कोठामा खानतलासी गर्दा गैंडाको खाग जस्तो देखिने एक थान र सेतो सिसाको, पत्थर जस्तो देखिने एक थान बरामद गरिएको महानगरीय प्रहरी परिसर टेकुका प्रवक्ता डिएसपी होविन्द्र बोगटीले जानकारी दिए।
गैंडाको खागसहित पक्राउ पर्नेमा गोरखाको चुमनुब्री गाउँपालिका-३ सिर्दिबास घर भई हाल काठमाण्डौँ-१७ ढल्कु बस्ने ५३ वर्षीय लाल बहादुर गुरुङ्ग, मकवानपुरको गढी गाउँपालिका-२ घर भइ हाल धादिङ्ग महादेबबेसी थाक्रे गाउँपालिका-६ बस्ने ३३ वर्षीय अष्ट बहादुर थिङ्ग र धादिङ्गको महादेवबेसीँ थाक्रे गाउँपालिका-११ बस्ने ३४ वर्षीय गोविन्दप्रसाद मोक्तान छन्।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।