त्रिशूली : नुवाकोटको प्रशिद्ध जात्रा भैरवी वर्ष बन्धन (सिन्दूरे जात्रा) को विशेष रौनक जारी छ। जीवित भगवानको रुपमा धामी एवं भैरवीदेवी मन्दि...
सी बस्ने होटल सोल्टी
तीन दिनलाई बुकिङ, प्रतिनिधिलाई २८१ रुम
असोज २५, २०७६
काठमाडौं : चीनका राष्ट्रपति सी जिनफिङको राजकीय नेपाल भ्रमणमा एक रात काठमाडौंमा बास बस्दै छन्। उनको रात काठमाडौंको होटल सोल्टिमा बित्ने छ। सी एक दिन बस्ने भए पनि होटल रिजर्भ भने तीन दिन (शुक्रबार, शनिबार र आइतबार) को लागि गरिएको होटल व्यवस्थापकले जनाएको छ।
जसरी काठमाडौं सिँगारिएको छ सी बस्ने होटल पनि उस्तै झकिझकाऊ गराइएको छ। होटलका २८२ वटा रुमका साथै क्यासिनो समेत बुक गरिएको जनाइएको छ। शुक्रबारदेखि नै बन्द गरिएको क्यासिनो शनिबार र आइतबार पनि बन्द रहने सूचना जारी गरिएको छ। होटलभित्रका पसहरू पनि बन्द गरिएका छन्।
शनिबार दिउँसो काठमाडौंमा अवतरण गरेपछि विमानस्थलबाट सिधै होटल जाने कार्यक्रम रहेको छ। त्यस्तै राष्ट्रपति विद्यादेवी भण्डारीसँग शितल निवासमा भेटवार्ता पछि पुन सोही होटलमा रात्रिभोज राखिएको छ। शनिबार नै सीले कांग्रेस सभापति शेरबहादुर देउवालाई पनि होटलमै भेट्ने कार्यतालिका तय गरिएको छ।
होटलमा राष्ट्रपति सीले प्रधानमन्त्री केपी शर्मा ओलीसँग दुई पक्षीय भेटवार्ता गर्ने र पूर्व प्रधानमन्त्री पुष्पकमल दाहाल प्रचण्डलाई होटलमानै भेट्ने यस हिसावले सीका धेरै कार्यतालिका होटल भित्रै तय गरिएको छ।
सी बस्ने होटलमा उच्च सुरक्षा सतर्कता अपनाइएको छ। नेपाली र चाइनिज सुरक्षाकर्मी परिचालन गरिएको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।