काठमाडौँ : शिक्षा, विज्ञान तथा प्रविधिमन्त्री सुमना श्रेष्ठले सेन्ट जेभियर्स, सेन्ट मेरिज र बूढानीलकण्ठ विद्यालयका प्राचार्यलाई नयाँ शैक्षिकसत्रको भ...
सीको स्वागत गर्न राष्ट्रपति भण्डारी र प्रधानमन्त्री ओली विमानस्थलमा
काठमाडौं : दुई दिने राजकीय भ्रमणका लागि विश्वका शक्तिशाली राजनीतिज्ञ एवं चीनका राष्ट्रपति सी जिनपिङ नेपालको राजधानी काठमाडौं आइपुगेका छन्।
सीलाई राष्ट्रपति विद्यादेवी भण्डारीले विमानसम्मै पुगेर स्वागत गरेकी छन।
दुई दिने राजकीय भ्रमणका लागि शनिबार अपराह्न ५ बजे काठमाडौं ओर्लिएका चीनका राष्ट्रपति सीलाई स्वागत गर्न नेपालकी राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री केपी शर्मा ओली, प्रधानन्यायाधीश चोलेन्द्रशम्शेर जबरा र मन्त्रीहरू, संवैधानिक अंगका प्रमुखहरू, सुरक्षा निकायका प्रमुख, सांसदहरू, सरकारका विशिष्ट अधिकारी त्रिभुवन अन्तर्राष्ट्रिय विमानस्थल पुगेका थिए।
राष्ट्रपति सीलाई नेपाली सेनाको एक टुकडीले सलामी अर्पण गरेको छ।
त्रिभुवन अन्तर्राष्ट्रिय विमानस्थलमा राष्ट्रपति सीलाई उच्च सम्मान प्रदान गरिएको छ।
सीको स्वागत गर्न मन्त्रीहरू ४ बजे नै विमानस्थल पुगिसेका थिए भने राष्ट्रपति भण्डारी र प्रधानमन्त्री ओली भने सी विमानबाट बाहिर निस्किनु केही पहिले मात्रै विमानस्थल पुगेका थिए।
दुई दिने अनौपचारिक भारत भ्रमणबाट राष्ट्रपति सी चेन्नइबाट नेपालका लागि उडेका थिए। उनको विमान अन्तर्राष्ट्रिय त्रिभुवन विमानस्थलमा ४ : ३० बजे अवतरण गरेको थियो। उनी ५ बजे विमानबाट बाहिर निस्केका थिए।
चीनबाट राष्ट्रपतिको तहमा २३ वर्षपछि नेपाल भ्रमण भएको हो।
राष्ट्रपति सीलाई अबको केही बेरमा त्रिभुवन विमानस्थलबाट तीनकुने, नयाँ बानेश्वर, माइतीघर, त्रिपुरेश्वर, टेकु, कालीमाटी हुँदै होटल सोल्टीमा लगिदैछ। विमानस्थलबाट सोल्टी होटलसम्मको सडक अभूतपूर्वरुपमा सजाइएको छने सडकका किनारामा चीनीयाँ पाहुनाको स्वागतमा सर्बसाधारण र सरकारी कर्मचारीहरु पङ्तिबद्ध भएर उभिएका छन् ।
चीनको तर्फबाट राष्ट्रपति सीको नेतृत्वमा अन्य चार चिनियाँ उच्च अधिकारीसहित दर्जनौँ अधिकारी काठमाडौं आइपुगेका छन्।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।