अचेल
पाखाहरुमा
फुल्दैनन गुराँस !
शहर पसेपछि
फुङ्ग उडेजस्तो अनुहार लिएर
उजाड-उदास छ्न पहाडहरू !
कहिल्यै विद्रोही हुन नखोज्ने !
युद्धमा लोग्ने गुमाएकी बिधवाको सिउँदो जस्तै !
झरनाहरु गाउँदैनन् यौवनका कथाहरू
न गाउँछ्न परिवर्तनका गीतहरु
फिक्का छ्न् ईन्द्रेणीका रङ्गहरु
आजभोलि
बदलिएका तार बोकेर
किन रुन्छन र सारङ्गीहरु ?
गुराँसहरु शहर पसेपछि
यस्तै छन् पहाडहरु
अचेल
अगेनाका अगुल्टाहरु पनि
भर्भराउन छोडे
हेर्दैनन बाटोमा आँखाहरु
कर्कस लाग्न थाले
गाडीका प्वा-प्वा हर्नहरु
आजभोलि यस्तै छन् पहाडहरु !
दम बढेर श्वा!श्वा ! भएजस्तै
टिबिले थलिए जस्तै किन दुखिरहन्छ पहाडहरु
ए गुराँस! तिमी कहिले फर्कन्छौ पहाडहरुमा ?
किन बनाउँछौ पहाडहरुलाई समुद्र ?
बिन्ती गुराँस पहाड फर्क है!
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।