नागरिकता संशोधन विधेयक (क्याब) को देशव्यापी विरोध भएपछि अहिले भारतमा नरेन्द्र मोदीको सरकार रक्षात्मक अवस्थामा पुगेको छ। यो विरोधलाई उग्र राष्ट्रवादी रुझानमा बदल्न भारतले पाकिस्तानविरुद्ध कुनै न कुनै आक्रमण गर्न लागेको इमरानले बताएका हुन्। 

I have been warning the int community of this for some time & am reiterating again: if India does such an operation to divert attention from its domestic chaos plus whip up war hysteria to mobilise Hindu nationalism, Pak will have no option but to give a befitting response.

— Imran Khan (@ImranKhanPTI) December 21, 2019

हिन्दु राष्ट्रवादलाई उछाल्दै युद्ध उन्माद बढाउने काम भारतले गरिरहेको र आफ्नो भूमीमाथि आक्रमण गरे भारतको कडा प्रतिरोध गरिने खानको भनाई छ। इन्टरनेट सञ्जाल ट्वीटरमा इमरानले लेखेका छन्–'भारतले अहिले पनि सबै जम्मु–कश्मीरका नागरिकलाई कैद गरेर राखेको छ, यहाँ लगाइएको प्रतिबन्ध हट्दा नरसंहारका घटनाहरु बाहिर आउन सक्छन्। भारतमा प्रदर्शन बढिरहँदा पाकिस्तामाथि भारतीय खतरा पनि बढिरहेको हुन्छ, भारतीय सेनाप्रमुखको वयानले हाम्रो चिन्तालाई झनै बढाएको छ।' 

अर्को ट्वीटमा खानले मोदी सरकारको नेतृत्वमा पछिल्लो पाँच बर्षयता भारत हिन्दुराष्ट्र बन्ने बाटोमा गइरहेको तथा यसमा हिन्दू श्रेष्ठता र फासीवादी विचारधारा मिसिएको टिप्पणी गरेका छन्। 

नागरिक संशोधन विधेयकका विरुद्ध लाखौं भारतीय सडकमा रहेको र उनीहरुले भारतको विविधता कायम राखिराख्न कोशिस गरेको पनि खानले ट्वीटमा उल्लेख गरेका छन्।