काठमाडौँ : राष्ट्रपति रामचन्द्र पौडेलले इजरायलमा हमासको आक्रमणपश्चात् बेपत्ता भएका नेपाली विद्यार्थी विपिन जोशीको रिहाइका लागि पहल गरिदिन कतार...
काठमाडौं : नेपाली कांग्रेसको आन्तरिक विवाद समाधान गर्न आज (आइतबार) पनि नेताहरू चाक्सीबारी पुगेका छन्। कांग्रेसमा असन्तुष्ट पक्ष भनिएको वरिष्ठ नेता रामचन्द्र पौडेल पक्षका नेता प्रकाशमान सिंहको निवास चाक्सीबारीमा नेताहरू छलफलमा जुटेका हुन्।
‘पार्टीको विवाद समाधानको लागि नेताहरू आज पनि जुट्नुभएको छ,’ नेता सिंहका सहयोगी यूपी लामिछानेले भने। छलफलका लागि पौडेल पक्षका सिंह र सभापति शेरबहादुर देउवाको पक्षबाट पार्टी उपसभापति विमलेन्द्र निधि संयोजकत्व रहनेगरी वार्ता टोली गठन भएको थियो।
अहिले चाक्सीबारीमा दुवै पक्षका वार्ता टोलीका सदस्यहरू पुगेका छन्। नेता सिंह र निधिले अघिल्लो हप्ता पनि सिंह निवास चाक्सीबारीमै पटकपटक छलफल गरे पनि सहमति हुन सकेको थिएन।
दुईपक्षबीच सहमति नभएपछि विवाद समाधानका लागि सक्रिय कृष्णप्रसाद सिटौलाको प्रस्तावमा आगामी पुस १० गतेसम्मको लागि बैठक स्थगित गरिएको छ।
कांग्रेसमा महाधिवेशनको कार्यतालिका ल्याउने विषयमा र विभाग गठनको विषयमा देउवा पक्ष र पौडेल पक्ष विभाजित हुँदै आएका छन्।
गत मंसिर २६ गतेबाट सुरु भएको कांग्रेसको केन्द्रीय कमिटिको बैठकमा महाधिवेशनको कार्यतालिका पेस नभएपछि पौडेल पक्षले बैठक बहिष्कार गर्दै आइरहेको छ। त्यस्तै, भ्रातृसंस्थाहरू तरुण दल र नेपाल विद्यार्थी संघमा दुई पक्षबीच भागबण्डा नमिल्दा लफडा हुँदै आइरहेको छ।
पौडेल पक्षले तरुण दल र नेविसंघमध्ये एकको नेतृत्वसहित कार्यसमितिमा आफ्नो पक्षका रहनुपर्ने माग राख्दै आइरहेको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।