सलमान खान, अनुष्का शर्मा, र चलचित्रका निर्देशक अरबाज अब्बासविरूद्व एक मुद्दा दर्ता भएको छ। मुद्धामा मोहम्मद साबिर अन्सारीले चलचित्र आफ्नो जीवनको कथा भएको आरोप लगाएका छन्। उनले चलचित्र बनाएर २० करोड भारतीय रूपैयाँको रोयल्टी हडपेको आरोप लगाएका छन्। 

उनले सलमान र अन्यमाथि सिजेएम अदालतमा मुद्धा दर्ता गरिएको हो। उक्त मुद्धामा मुजफ्फरपुरका मोहम्मद सविरले उक्त चलचित्रको निर्माण सन् २०१० मा सुरू भएको थियो। सबिरका अनुसार निर्देशक अब्बासले सन् २०१० मा बोलाएर चलचित्र बनाउने विषयमा कुरा गरेका थिए। 

यसको कथा उनको जीवनमा आधारित भएको कारण २० करोड भारतीय रूपैयाँ रोयल्टी दिने सहमति भएको थियो। सबिरले उनले रोयल्टीको रकम नपाएको आरोप लगाएका छन्। यसकारण उनले चलचित्रको कथा दिनबाट अस्वीकार गरेका थिए। 

तर, बिहीबार उनले शहरको एक चलचित्र भवनमा सुल्तान हेर्दा चलचित्र आफ्नो कथामा बनेको पाएको बताएका छन्। 

सबिरले अदालतमा मुद्दा दर्ता भएको जनाएका छन् । यसको सुनुवाई १२ जुलाईमा हुने उनले बताएका छन्। उनको तर्फबाट वकिल सुधीर कुमार ओझाले सलमान खान, अनुष्का शर्मा र निर्देशक अब्बासलाई आरोपी बनाएका छन्। 

सुल्तानको कथा अब्बासले लेखेका हुन्।