काठमाडौं : नेपाल प्रहरीका दुई जना प्रहरी नायव महानिरीक्षक (डिआइजी) प्रहरी अतिरिक्त महानिरीक्षक (एआजी)मा बढुवाका लागि सिफारिस भएका छन्।...
चौतारा : सिन्धुपाल्चोकको बलेफी गाउँपालिकाले एक हजार ५० जना श्रमिक मजदुरलाई खाद्यान्न सहयोग गरेको छ। गाउँपालिकाभित्र दैनिक ज्यालादारी गर्ने मजदुरलाई वडा कार्यालयमार्फत राहत सहयोग गरेको गरिएको हाे।
उनीहरुलाई दाल, चामल, नुन, तेललगायत दैनिक उपभोग्य सामग्री वितरण गरिएको गाउँपालिकाका अध्यक्ष केदार क्षत्रीले जानकारी दिए। ‘टोलमै पुगेर स्वास्थ्य सचेतनाको कार्यक्रम चलाएका छौ,’ क्षत्रीले भने, ‘कोही नागरिक भोकै पर्न नपरोस् भनी खाद्यान्न सहयोग निरन्तर गरिरहेका छौं।’
घरघरमा स्वाथ्य सामग्रीसमेत पुर्याइएको उनले बताए। गाउँपालिकाले वडाध्यक्षमार्फत सबै घरका सदस्यहरुलाई मास्क र सेनिटाइजर वितरण गरेको जानकारी दिएको छ ।
५३ जनाको चेकजाँच
गाउँपालिकाले आफ्नो क्षेत्रभित्र ५३ जनाको कोरोना जाँच गरेको जनाएको छ। जाँच गरिएका ती सबैको नतिजा नेगेटिभ आएको जलवीरे स्वास्थ्य केन्द्रकी ल्याब टेक्निसियन सोभा पराजुलीले जानकारी दिइन्। पराजुलीका अनुसार ५० जनाको आरडिटी र ३ जानको स्वाब परीक्षण गरिएको थियो।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।